नेकपा एमालेको अवरोधकाबिच आर्थिक विधेयक र राष्ट्र ऋण उठाउने विधेयक पारित

राजनीति

Home
राजनीति
नेकपा एमालेको अवरोधकाबिच आर्थिक विधेयक र राष्ट्र ऋण उठाउने विधेयक पारित

नेकपा एमालेको अवरोधकाबिच आर्थिक विधेयक र राष्ट्र ऋण उठाउने विधेयक पारित

तस्विर : सोमबार बसेको राष्ट्रिय सभाको बैठक

काठमाडौँ । सोमबार बसेको राष्ट्रिय सभाको बैठकले विनियोजन विधेयकसँग आश्रित आर्थिक विधेयक, २०७८ र राष्ट्र ऋण उठाउने विधेयक, २०७८ पारित गरेको छ । प्रमुख प्रतिपक्षी दल नेकपा एमालेका सांसदहरूको अवरोधका बिच विधेयक पारित भएको हो ।

राष्ट्रिय सभाको बैठक सुरु हुनासाथ प्रमुख प्रतिपक्षी दल एमालेका सांसदहरूले बैठकमा अवरोध गरेका थिए । नेकपा एमालेका सांसदहरूले राष्ट्रिय सभा अध्यक्षले बैठक सुरु गरेसँगै सिटबाट उठेर विरोध गरेका थिए ।

राष्ट्रियसभा अध्यक्ष गणेशप्रसाद तिमिल्सिनाले दुवै विधेयकमाथिको छलफका लागि प्रस्ताव राख्न अर्थमन्त्री जनार्दन शर्मालाई समय दिनुभएको थियो । कुनै पनि सांसदले दफावार छलफलमा भाग नलिएपछि प्रतिनिधिसभाबाट सन्देशसहित प्राप्त भएका विधेयक निर्णयार्थ प्रस्तुत गरिएका थिए । दुवै विधेयक बहुमतसहित पारित भएका थिए ।

राष्ट्रिय सभाले दुवै विधेयक पारित भएको सन्देश प्रतिनिधिसभालाई पठाएको छ । ती सन्देश सोमबार दिउँसो २ बजे बस्ने प्रतिनिधिसभा बैठकमा सभामुखले सुनाउने र त्यसपछि प्रमाणित गरेर प्रमाणीकरणका लागि राष्ट्रपतिकहाँ पठाइने छ । राष्ट्रपतिले प्रमाणीकरण गरेपछि ऐन कार्यान्वयनमा जानेछन् ।

राष्ट्रिय सभाको अर्को बैठक असोज १७ गते १ बजेका लागि बोलाइएको छ ।

प्रकाशित मिति: सोमबार, असोज ११, २०७८ १४:२७

प्रतिक्रिया दिनुहोस्