नेता भीम रावलले आफ्ना माग पूरा गर्न अध्यक्ष ओलीलाई दिए साढे ४ बजेसम्मको अल्टिमेटम

राजनीति

Home
राजनीति
नेता भीम रावलले आफ्ना माग पूरा गर्न अध्यक्ष ओलीलाई दिए साढे ४ बजेसम्मको अल्टिमेटम

नेता भीम रावलले आफ्ना माग पूरा गर्न अध्यक्ष ओलीलाई दिए साढे ४ बजेसम्मको अल्टिमेटम

काठमाडौँ । नेकपा एमालेका नेता भीम रावलले आफ्ना माग पूरा गर्न अध्यक्ष केपी शर्मा ओलीलाई बिहीबार साढे ४ बजेसम्मको अल्टिमेटम दिनुभएको छ ।

नेता झलनाथ खनाल–माधवकुमार नेपाल समूहका नेता भीम रावलले आफूहरुका माग पूरा गर्न ओलीलाई बिहीबार साढे ४ बजेसम्मको समय दिएको बताउनु भएको छ । नेता रावलका अनुसार पार्टी अध्यक्ष ओलीले माग पूरा गर्ने प्रतिवद्धता नजनाए सांसद सदस्यताबाट राजीनामा दिइनेछ ।

राष्ट्रपति विद्यादेवी भण्डारीले संविधानको धारा ७६(२) अनुसारको बहुमतीय सरकार गठनका लागि दिएको म्याद सकिन लागेसँगै नेताहरुले आन्तरिक छलफललाई तिव्र पारेका छ्न । ओली नेतृत्वको सरकारको विकल्पमा काँग्रेससहितको गठबन्धनले नयाँ सरकार बनाउने भनेपनि संसदीय गणितका लागि माधव समुहको सहयोग आवश्यक देखिन्छ । नेता झलनाथ खनाल–माधवकुमार नेपाल समूहका सांसदहरूले राजिनामा दिएमा सरकार बनाउन अंक-गणित पुग्ने आँकलन गरिएको छ ।

प्रकाशित मिति: बिहीबार, वैशाख ३०, २०७८ १३:२९

प्रतिक्रिया दिनुहोस्