परराष्ट्रमन्त्री खड्काले पदभार ग्रहण गर्दै भने, 'अन्तर्राष्ट्रिय सम्बन्धहरुमा सन्तुलन कायम राख्दै काम गर्छु'

राजनीति

Home
राजनीति
परराष्ट्रमन्त्री खड्काले पदभार ग्रहण गर्दै भने, 'अन्तर्राष्ट्रिय सम्बन्धहरुमा सन्तुलन कायम राख्दै काम गर्छु'

परराष्ट्रमन्त्री खड्काले पदभार ग्रहण गर्दै भने, 'अन्तर्राष्ट्रिय सम्बन्धहरुमा सन्तुलन कायम राख्दै काम गर्छु'

तस्बिर : परराष्ट्रमन्त्री डा नारायण खड्का बुधबार राष्ट्रपति विद्यादेवी भण्डारीबाट राष्ट्रपति कार्यालय शीतलनिवासमा पद तथा गोपनीयताको शपथ ग्रहणपछि ।

काठमाडौँ । राष्ट्रपति विद्यादेवी भण्डारीले नवनियुक्त परराष्ट्रमन्त्री डा नारायण खड्कालाई आज पद तथा गोपनीयताको शपथ दिलाएपछि उहाँले सिंहदरबारस्थित परराष्ट्र मन्त्रालयमा पदभार ग्रहण गर्नुभएको छ ।

आज पदभार ग्रहण गरेपछि उहाँले चीन र भारतबीचको सम्बन्ध अत्यन्त समधुर र घनिष्ठ हुने गरी आफुले काम गर्ने प्रतिकृया दिनुभयो ।

तस्बिर : राष्ट्रपति विद्यादेवी भण्डारी राष्ट्रपति भवन शीतलनिवासमा बुधबार आयोजित समारोहमा नवनियुक्त परराष्ट्रमन्त्री डा नारायण खड्कालाई पद तथा गोपनीयताको शपथ गराउँदै ।

उहाँले अन्तर्राष्ट्रिय सम्बन्धहरुमा सन्तुलन कायम राख्दै आफुले काम गर्ने प्रतिकृया पत्रकारहरुलाई दिनुभयो ।

पद तथा गोपनीयताको शपथ समारोहमा प्रधानमन्त्री शेरबहादुर देउवा, सभामखु अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमल्सिना, मन्त्रीगण, संवैधानिक निकायका उच्च पदाधिकारीलगायत उपस्थित हुनुहन्थ्यो ।

मन्त्री खड्कालाई प्रधानमन्त्रीको सिफारिसमा राष्ट्रपतिले आजै परराष्ट्रमन्त्रीमा नियुक्त गर्नुभएको हो ।

प्रकाशित मिति: बुधबार, असोज ६, २०७८ १४:३१

प्रतिक्रिया दिनुहोस्