राष्ट्रिय जनमोर्चाले गण्डकी प्रदेशसभा संसदीय दलका नेता थापालाई गर्‍यो कारबाही, दलको नेताबाट हटाइयो

राजनीति

Home
राजनीति
राष्ट्रिय जनमोर्चाले गण्डकी प्रदेशसभा संसदीय दलका नेता थापालाई गर्‍यो कारबाही, दलको नेताबाट हटाइयो

राष्ट्रिय जनमोर्चाले गण्डकी प्रदेशसभा संसदीय दलका नेता थापालाई गर्‍यो कारबाही, दलको नेताबाट हटाइयो

कास्की । राष्ट्रिय जनमोर्चा पार्टीको गण्डकी प्रदेशसभा संसदीय दलको नेताबाट कृष्ण थापालाई हटाइएको छ ।

पोखरामा पार्टी महासचिव मनोज भट्टको नेतृत्वमा बुधबार बसेको बैठकले थापालाई दलको नेताबाट हटाएको हो । बैठकले थापालाई दलको नेताबाट हटाएको बारे प्रदेशसभा सचिवालयमा पत्र बुझाइएको छ ।

प्रदेशसभा संसदीय दलका नेता थापालाई पार्टीले बिहान स्पष्टिकरण सोधेको थियो । थापाले चित्त बुझ्दो जवाफ नदिएपछि दलको नेताबाट हटाइएको हो ।

राष्ट्रिय जनमोर्चाले गण्डकी प्रदेशमा नेपाली कांग्रेसको नेतृत्वमा नयाँ सरकार गठनका लागि थापाले सहमति नदिएपछि कारबाही गरेको हो ।

सचेतक पियारी थापाले प्रदेशसभा सदस्य थापालाई संसदीय दलको नेताबाट हटाएको पार्टीको निर्णय सभामुख नेत्रनाथ अधिकारीलाई जानकारी गाराउनु भएको छ । कांग्रेस, माओवादी केन्द्र र जनता समाजवादी पार्टीसँग मिलेर सरकार निर्माणमा समर्थन गर्ने निर्णयविरुद्ध कार्य गरेकाले दलको नेताबाट हटाएको पत्रमा उल्लेख छ ।

हेर्नुहोस् संसदीय दलको नेताबाट कृष्ण थापालाई हटाइएको पत्र