नेपाल कम्युनिष्ट पार्टी (नेकपा) मधुवन नगरको प्रथम पुर्ण बैठक सम्पन्न, ११ सदस्यीय नगर समिति चयन

राजनीति

Home
राजनीति
नेपाल कम्युनिष्ट पार्टी (नेकपा) मधुवन नगरको प्रथम पुर्ण बैठक सम्पन्न, ११ सदस्यीय नगर समिति चयन

नेपाल कम्युनिष्ट पार्टी (नेकपा) मधुवन नगरको प्रथम पुर्ण बैठक सम्पन्न, ११ सदस्यीय नगर समिति चयन

बर्दिया । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा) को बर्दिया जिल्ला अन्तर्गत मधुवन नगरको प्रथम पुर्ण बैठक शनिबार सम्पन्न भएको छ । नेकपाको मधुवन नगरको प्रथम पुर्ण बैठक महत्त्वपूर्ण निर्णय गर्दै सम्पन्न भएको हो ।

बैठकलाई सम्बोधन गर्दै नेकपा बर्दिया जिल्ला सेक्रेटरी तथा बैठकका प्रमुख अतिथि समेत रहनुभएका नेता गणेश चौधरीले पार्टीले अघि सारेको नयाँ कार्यनिती अनुसार जनमतसंग्रह मार्फत बैज्ञानिक समाजवाद प्राप्तिको बारेमा छलफल गर्दै पार्टीले लिएको कार्यनितीको बारेमा स्पष्ट पार्नुभयो ।

नेता चौधरीले संसदीय व्यवस्था चरम संकटमा पुगेको बताउँदै सबै देशभक्त क्रान्तिकारी कम्युनिष्ट र सच्चा लोकतन्त्रवादी शक्तिको विचमा सहकार्यको आवश्यकता रहेको बताउनु भयो ।

एक फरक प्रसंगमा जिल्ला सेक्रेटरी तथा नेता चौधरीले संसदीय व्यवस्था स्विकार गरेर वार्तामा आएको भनेर भ्रम सिर्जना गर्न प्रतिक्रियावादी तत्वहरु दिनरात लागिपरेको बताउनु भयो । उहाँले भ्रनु भयो, "हामीले बिद्रोह संसदीय व्यवस्था विरुद्ध गरेका हौँ । हामी यो व्यवस्थालाई मान्दैनौँ ।"

नेकपा मधुवन नगर सेक्रेटरी च्रक थापाले संचालन गर्नुभएको उक्त कार्यक्रम मधुवन नगर इन्चार्ज केसव लावडको अध्यक्षतामा सम्पन्न भएको थियो ।

बैठकमा पार्टी निकट विद्यार्थी संगठन बर्दियाका जिल्ला इन्चार्ज लोकेश जोशी, हरि प्याकुरेल लगायतका नेताहरुको सहभागिता रहेको थियो । नगरको प्रथम पुर्ण बैठकले ११ सदस्यीय नगर समिति चयन गरेको मधुवन नगर इन्चार्ज केसव लावडले जानकारी दिनुभयो

प्रकाशित मिति: मंगलबार, साउन १२, २०७८ ०९:४९

प्रतिक्रिया दिनुहोस्