बर्दियामा रहेको २८२ सामुदायिक वन मध्य ६१ मा डढेलो, साना बुट्यान जलेर नष्ट

पालिका

Home
पालिका
बर्दियामा रहेको २८२ सामुदायिक वन मध्य ६१ मा डढेलो, साना बुट्यान जलेर नष्ट

बर्दियामा रहेको २८२ सामुदायिक वन मध्य ६१ मा डढेलो, साना बुट्यान जलेर नष्ट

बर्दिया । बर्दियामा रहेको २८२ वटा सामुदायिक वन, राष्ट्रिय वन र संरक्षित वन समेत गरि ६१ वटामा डढेलो लागी ९१८.२५ हेक्टर क्षेत्रफलमा साना बुट्यान, जडिबुटी, चराचुरुङ्गीका अण्डा बच्चाहरु जलेर नष्ट भएका छन ।

डिभिजन वन कार्यालय बर्दियाका सूचना अधिकारी सहायक वन अधिकृत द्रोणराज शर्माका अनुसार बर्दियामा सामुदायिक वन २०,३४४.८९ हेक्टर, संरक्षित वन ५,७४१.७९ हेक्टर र राष्ट्रिय वन ३५५.२० हेक्टर रहेको ।

शर्माका अनुसार आर्थिक बर्ष २०७७/०७८मा यस् पटक अहिलेसम्मकै सबैभन्दा बढी डढेलो लागेको हो भने डढेलोबाट कुनै मानवीय क्षति भने भएको छैन । डढेलो लाग्नुको मुख्य कारण भने मानवीय कमजोरी-त्रुटि रहेको छ भने मानवीय कमजोरी-त्रुटिका कारणले ९९.९% र ०.१% अन्य कारणले डढेलो लाग्ने गरेको सूचना अधिकारी शर्माले बताउनु भयो ।

संरक्षण अभियान्ता भदै थारु भन्नुहुन्छ - "डढेलोले बन्यजन्तुहरुको बासस्थान नष्ट गर्नुका साथै विभिन्न चराचुरुङ्गी, बन्यजन्तुहरुका अण्डा र बच्चालाई जलाइ नष्ट गरिदिन्छ जस्का कारण इको सिस्टममा निकै असर गर्छ । प्राय मानिसहरुले आगो लगायो भने नयाँ घाँस उम्रन्छ भन्ने सोँच राखेकाले पनी गाइगोठालोहरुले नै आगो लगाउने गरेको पाइन्छ ।"