बाँकेका मनकारी संगम शाह भन्नुहुन्छ-"त्यो धनको मलाई के काम जस्ले मानिसको जीवन बचाउन सक्दैन"

समाज

Home
समाज
बाँकेका मनकारी संगम शाह भन्नुहुन्छ-"त्यो धनको मलाई के काम जस्ले मानिसको जीवन बचाउन सक्दैन"

बाँकेका मनकारी संगम शाह भन्नुहुन्छ-"त्यो धनको मलाई के काम जस्ले मानिसको जीवन बचाउन सक्दैन"

कर्म गर फलको आशा नगर ! मानिसको धन सम्पत्ति पैसा साधन हो साध्य होइन । त्यो धनको के काम जस्ले मानिसको जीवन बचाउन सक्दैन, त्यो पैसाको के काम जुन समाज र देशको काम आउन सक्दैन । यी हाम्रा सब्द होइनन यी त बाँके नेपालगन्जका संगम शाहका वाक्य हुन ।

पहिलो चरणको कोरोना महामारी आउँदा संगम शाह जस्ता धेरै मनकारी ब्यक्तिहरुले भेरी अस्पतालमा आइसोलेसन वार्ड बनाउन आर्थिक सहयोग गर्नुभएको थियो । शाहले तत्कालिन परीवेशमा रु ५० हजार सहयोग गर्नुभयो । केही दिन अघि बाँकेमा कोरोना संक्रमितहरुलाई अक्सिजनको कमी भएपछि उहाँले बिरामीहरुलाई अक्सिजन उपलब्ध गराउन रु १ लाख ११ हजार १ सय ११ आर्थिक सहयोग गर्नुभयो । यस्ता बिबिध सामाजिक कार्यमा संलग्न रहनु भएका शाहले बाँकेमा भएको लकडाउनका कारण समस्यामा पर्नुभएका दृष्टिविहिनहरुलाई खाद्यान्न सहयोग गर्नुभयो ।

माल्टी सप्लायर्स प्रालीका प्रबन्ध निर्देशक संगम शाहले बाँके, नेपालगन्ज -१३ मा भाडामा बसोवास गर्दै आउनुभएका ९ जना दृष्टीविहिनहरुलाई आवश्यक चामल, दाल , तेल, नुन आदि सहयोग गर्नुभएको छ ।

नेपाल बक्सिङ संघका केन्द्रीय उपाध्यक्षसमेत रहनुभएका युवा व्यवसायी शाहले यस्ता अनगिन्ती सहयोगहरु गरीरहनु भएको छ । बाँकेको यो दुखद घडिमा युवा व्यवसायी शाह जस्तै धेरै मनकारीहरुले सहयोग गरेर उदाहरण बन्नुभएको छ ।

दुखमा परेको समयमा को आफ्नो को पराइ भन्ने थाहा हुन्छ । आज बाँके दुखमा परेको बेला शाहजस्तै धेरै लुकेका नदेखिएका थाहा नपाइएका समाजसेवकहरुलाई हाम्रो नमन ।

प्रकाशित मिति: बुधबार, वैशाख २२, २०७८ १२:३१

प्रतिक्रिया दिनुहोस्