"नेपाल प्रेस युनियन बर्दिया अध्यक्ष राजभण्डारीले गरे पत्रकारहरुलाई मास्क र सेनिटाइजर बितरण"

देश

Home
देश
"नेपाल प्रेस युनियन बर्दिया अध्यक्ष राजभण्डारीले गरे पत्रकारहरुलाई मास्क र सेनिटाइजर बितरण"

"नेपाल प्रेस युनियन बर्दिया अध्यक्ष राजभण्डारीले गरे पत्रकारहरुलाई मास्क र सेनिटाइजर बितरण"

हरि गुरुङ्ग, बर्दिया । नेपाल प्रेस युनियन बर्दियाका अध्यक्ष विनय राजभण्डारीले नेपाल पत्रकार महासंघ बर्दिया जिल्ला शाखाको समन्वयमा दोस्रो चरणमा फैलिरहेको कोरोना संक्रमणलाई मध्यनजर गर्दै बर्दिया जिल्लाका सक्रिय पत्रकारहरुलाई सुरक्षीत रहि रिपोर्टिङ गर्नाका लागी मास्क र सेनिटाइजर वितरण गर्नु भएको छ । अध्यक्ष राजभण्डारीले एक कार्यक्रम गरि ३२ जना पत्रकारहरुलाइ मास्क र सेनिटाइजर बितरण गर्नुभएको थियो।

उक्त कार्यक्रममा लुम्बिनी प्रदेश पत्रकार महासंघका कोषाध्यक्ष यमनाथ घिमिरे प्रमुख अतिथि हुनुहुन्थ्यो भने अतिथिहरुमा नेपाल पत्रकार महासंघ बर्दिया शाखाका अध्यक्ष यादब आचार्य, पुर्ब अध्यक्ष बिष्णु प्रसाद तिमिल्सिना लगायत पत्रकारहरुको उपस्थिति रहेको थियो। नेपाल प्रेस युनियन बर्दियाको आयोजनामा नेपाल प्रेस युनियन बर्दियाका अध्यक्ष विनय राजभण्डारिको सभापतित्वमा भएको उक्त कार्यक्रममा प्रमुख अतिथी घिमिरेले ९९% पत्रकारहरु राज्यको सेवा सुबिधा नलिइकन स्व-स्फुर्त आफ्नो मेहनतले पौरखले देश र जनताका लागि पत्रकारिता गरिरहेको बताउनु भयो । "कोरोना महामारीमा सचेतना, सूचना प्रवाह गर्दा गर्दै ८ जना पत्रकारहरुले ज्यान गुमाएका छ्न । ती सहिदहरुलाइ श्रद्धा सुमन अर्पण गर्द्छु" कोषाध्यक्ष घिमिरेले भन्नू भयो - "पत्रकारिता भनेको युद्ध , महामारी र जोखिमको बेला पत्रकारिताको पहिचान हुन्छ । स्वास्थ्य सम्बन्धि सम्पुर्ण सावधानी अपनाएर रिपोर्टिङ गर्नुहोस् ।"

त्यस्तै नेपाल पत्रकार महासंघ बर्दिया शाखाका अध्यक्ष यादव आचार्यले कुनै पनि पत्रकार साथीहरूलाई रिपोर्टिङ गर्दा आइपर्ने समस्या भएमा आफ्नो टेलीफोनमा सम्पर्क गर्न अनुरोध गर्नु भएकोछ । "कोरोनाको यो संक्रमणको बेलामा तपाईंहरुले आफ्नो पत्रकारीताको धर्म निर्वाह गर्दा कुनै समस्या आएमा निराकरण गर्न संस्थागत र ब्यक्तिगत रुपमा समाधान गर्न म प्रतिबद्ध छु ।" अध्यक्ष आचार्यले भन्नुभयो "पत्रकारहरुलाइ रिपोर्टिङ गर्नाका लागि मास्क र सेनिटाइजर उपलब्ध गराउने नेपाल प्रेस युनियन बर्दियाका अध्यक्ष विनय राजभण्डारीलाई धन्यवाद छ ।"

कार्यक्रममा सहभागी वक्ताहरूले कोभिड महामारीको समयमा नेपाल सरकारलाई नीति बनाएर पत्रकारहरुको सुरक्षामा ध्यान दिन आग्रह गर्नुभयो ।