कोरोना, डेङ्गु, मलेरिया लगायतका संक्रामक रोगको नियन्त्रणका लागि नेपालगन्जको जमुनाहा नाकामा हेल्थ डेस्क स्थापना

स्वास्थ्य

Home
स्वास्थ्य
कोरोना, डेङ्गु, मलेरिया लगायतका संक्रामक रोगको नियन्त्रणका लागि नेपालगन्जको जमुनाहा नाकामा हेल्थ डेस्क स्थापना

कोरोना, डेङ्गु, मलेरिया लगायतका संक्रामक रोगको नियन्त्रणका लागि नेपालगन्जको जमुनाहा नाकामा हेल्थ डेस्क स्थापना

नेपालगन्ज । नेपालगन्जको जमुनाहा नाकामा स्थायी प्रकृतिको हेल्थ डेस्क निर्माण सम्पन्न भई आजदेखि सञ्चालनमा आएको छ ।

नेपालगन्ज उपमहानगरपालिकाका प्रमुख डा. धवलशम्शेर राणा, उपप्रमुख उमा थापा मगर, बाँकेका प्रमुख जिल्ला अधिकारी शिवराम गेलाल र उपमहानगरपालिकाका प्रमुख प्रशासकीय अधिकृत हिरालाल रेग्मीले हेल्थ डेस्कको नवननिर्मित भवनको आज उद्घाटन गर्नुभयो ।

कोरोना, डेङ्गु, मलेरिया लगायतका सङ्क्रामक रोगको नियन्त्रणका लागि नाकामा हेल्थ डेस्क स्थापना गरिएको नगर प्रमुख डा. राणाले बताउनुभयो । देशभरका १३ वटा नाका मध्ये स्थायी प्रकृतिको हेल्थडेस्क सञ्चालन भएको नेपालगञ्जमा पहिलो पटक हो । नयाँ भवनबाट सेवा दिने हेल्थ डेस्कमा चिकित्सक, ल्याब टेक्निसियन सहितका स्वास्थ्यकर्मीहरु खटिने भएका छन् । भारतबाट फर्किनेहरुको स्वास्थ्य परिक्षण (स्क्यानिङ) र आवश्यकता अनुसार परिक्षण गरिनेछ ।

५१ लाख ३१ हजार रुपैयाँको लागतमा करिब तीन महिनामा प्रिपेफको भवन निर्माण सम्पन्न गरिएको छ । हेल्थ डेस्कको केही भाग इलाका प्रहरी कार्यालय जमुनाहाले समेत प्रयोग गर्ने उपप्रमुख थापा मगरले जानकारी दिनुभयो ।

प्रकाशित मिति: मंगलबार, साउन ५, २०७८ १७:२९

प्रतिक्रिया दिनुहोस्