संचार माध्यम सम्बन्धमा व्यवस्था गर्न बनेको बिधेयक पुनर्लेखन गर्न बाँकेका पत्रकारहरुको माग, अध्यक्ष भण्डारीको नेतृत्वमा पत्रकारहरुले बुझाए ज्ञापनपत्र

प्रदेश

Home
प्रदेश
संचार माध्यम सम्बन्धमा व्यवस्था गर्न बनेको बिधेयक पुनर्लेखन गर्न बाँकेका पत्रकारहरुको माग, अध्यक्ष भण्डारीको नेतृत्वमा पत्रकारहरुले बुझाए ज्ञापनपत्र

संचार माध्यम सम्बन्धमा व्यवस्था गर्न बनेको बिधेयक पुनर्लेखन गर्न बाँकेका पत्रकारहरुको माग, अध्यक्ष भण्डारीको नेतृत्वमा पत्रकारहरुले बुझाए ज्ञापनपत्र

नेपालकागज आइतबार, असार २०, २०७८

नेपालगन्ज । लुम्विनी प्रदेश सरकारले प्रदेश सभामा दर्ताका लागि हालै पठाएको संचार माध्यम सम्बन्धमा व्यवस्था गर्न बनेको बिधेयक पुनर्लेखन गर्न बाँकेका पत्रकारहरुले माग गर्नुभएको छ ।

नेपाल पत्रकार महासघ बाँकेले आज प्रमुख जिल्ला अधिकारी शिवराम गेलाल मार्फत् लुम्बिनी प्रदेश सरकारका मुख्यमन्त्री शंकर पोखरेललाई ज्ञापनपत्र बुझाएको छ । महासंघ बाँकेका अध्यक्ष दामोदर भण्डारीको नेतृत्वमा पत्रकारहरुले ज्ञापनपत्र बुझाउनुभएको हो ।

महासंघ लुम्विनी प्रदेश समितिका उपाध्यक्ष शुक्रऋषि चौलागाईले विधेयकको प्रस्तावनादेखि अधिकांश धारा उपधारामा संचार माध्यम र सञ्‍चारकर्मीहरुलाई डण्ड जरिवानादेखि जेल सजायसम्मको प्रावधन राखिएको बताउँदै तत्काल फिर्ता लिई पुनर्लेखन गर्न माग गर्नुभयो ।

महासंघ बाँकेका संस्थापक अध्यक्ष लियाकत अलि, सल्लाहकार डक्ट धिताल, प्रेस युनियन बाँकेका अध्यक्ष अर्जुन ओली लगायत अग्रज पत्रकार एवं आस्थागत संघसंगठनका अगुवाहरुले आजको व्यवस्था ल्याउनका लागि संचार माध्यम र संचारकर्मीहरुले हिजो खेलेको भूमिका चटक्क विर्सिएर मिडिया र मिडियाकर्मीहरुमाथि कानुनी डण्डा चलाउने सोच विधेयकमा प्रष्ट झल्किएको भन्दै तत्काल फिर्ता लिएर पुनर्लेखन गर्न माग गर्नुभएको थियो ।

महासंघ बाँकेका अध्यक्ष भण्डारीले विधेयक प्रदेशसभाबाट फिर्ता गरेर पुनर्लेखनको वातावरण मिलाउन माग गर्दै ज्ञापन पत्र पेश गरिएको बताउनुभयो ।

प्रकाशित मिति: आइतबार, असार २०, २०७८ १६:१२

प्रतिक्रिया दिनुहोस्