बर्दियामा वडाअध्यक्षले नै बलात्कार गरेपछि ... बलात्कार गर्नेको नाली बेली यस्तो छ .....

अपराध

Home
अपराध
बर्दियामा वडाअध्यक्षले नै बलात्कार गरेपछि ... बलात्कार गर्नेको नाली बेली यस्तो छ .....

बर्दियामा वडाअध्यक्षले नै बलात्कार गरेपछि ... बलात्कार गर्नेको नाली बेली यस्तो छ ..... जनप्रतिनिधिले जनतालाई न्याय दिलाउन भुमिका खेल्नुपर्नेमा उल्टो भएको छ ।

अर्पणा योगी शनिबार, चैत २४, २०८०

बर्दिया । कतिपय विषय पत्यार लाग्दो त हुँदोरहेनछ तर सत्य बाहिर आएपछि पत्यार लाग्दो रहेछ । कसले सोँचेको थियो होला जनताले निर्वाचित गरेका वडा अध्यक्ष नै एक दिन जनताकै चेलीलाई बाघ गर्जन गर्दै बलात्कार गरेको ।
हो यो घटना बर्दियाको बाँसगढी नगरपालिकामा घटेको हो, यसको नालीबेली यस्तो छ...

बर्दियाको बाँसगढी नगरपालिकामा महिलालाई बलात्कार गरेको अभियोगमा बाँसगढी वडा नं ४ का वडाअध्यक्ष कृष्ण प्रसाद बास्तोलालाई प्रहरीले पक्राउ गरेको छ । पिडित महिला स्वयम मोतिपुर इलाका प्रहरी कार्यालय बाँसगढीमा आएर बयान दिएको आधारमा बिहिबार राति ८ बजेतिर वडा अध्यक्ष बास्तोलालाई प्रहरीले पक्राउ गरेको हो । पिडित महिलाको घर र माईत नजिकै छ । पिडित महिलाको बयान अनुसार ७ गते बुधबार रति करिव ९ बजेतिर वडाअध्यक्ष बास्तोलाले महिलाको माईतिघरमा तानेर जवरस्ती करणी गरेको र कसैलाई भनेमा ज्यान मार्ने धम्कि समेत दिएको जाहिरीमा उल्लेख गरीएको छ । मोतिपुर इलाका प्रहरी कार्यालय बाँसगढीले बिहिबार ९बजे राति नै महिलाको स्वास्थ्य चेकजाँच गर्न बर्दिया अस्पताल पुर्‍याएको मोतिपुर इलाका प्रहरी कार्यालय बाँसगढीका प्रमुख प्रहरी निरिक्षक शैलेश्वरी बोहोराले बताउनु भयो । बोहोराका अनुसार हाल पिडित महिलाई सेफहाउसमा राखिएको छ भने वडा अध्यक्ष बास्तोलालाई बाँसगढी इलाका प्रहरी कार्यालय बाँसगढीमै राखेर अनुसन्धान जारी छ ।

यो बिषयमा थप जानकारी लिनको लागि जिल्ला प्रहरी कार्यालय बर्दियाका प्रहरी नायव उपरिक्षक डिएसपि तुल्सीराम आचार्यलाई सम्पर्क गर्दा उहाँले पनि पिडित महिलालाई सेफहाउसमा र वडा अध्यक्ष बास्तोलालाई मोतिपुर इलाका प्रहरी कार्यालयमै राखेको बताउनु भयो । त्यस्तै एसपी प्रविण धितालले भन्नुभयो, "कानुनी प्रक्रियामा गएकोछ, न्यायको लागि पिडित महिलाको सुरक्षा हाम्रो जिम्मेवारी हो तसर्थ जो कोहि हुन अपराधमा जिरो टोलोरेन्स हुन्छ ।"

प्रकाशित मिति: शनिबार, चैत २४, २०८० १८:०७

प्रतिक्रिया दिनुहोस्