होली (कविता) साहित्य, “होली पर्ब”

समाज

Home
समाज
होली (कविता) साहित्य, “होली पर्ब”

होली (कविता) साहित्य, “होली पर्ब” “होली पर्ब”

हजारौ बर्ष देखि खेल्दै आएको पर्व होली
हरेक साल आउँछ रंगाऊँछ सबैलाई अनि जान्छ पनि..
उसको आउने क्रम न रोकिएको छ न फेरिएको छ..
फेरीन्छन् त मात्र रंगिने मन हरु अनि रंगाउने अनुहार हरु।

मनको दु:ख लुकाउन पनि अनुहार चिन्नै नसक्ने गरी
रंगाउँछ मानिष आफुलाई,हर एक रंगले पोतेर...
कोहि दुषित भ्रमित मन लिएर केही स्वार्थ पूर्ति गर्न
उन्माद मा रंगिएको छ उसै गरी...

खराब माथि सत्यको विजय गर्ने
होलिका दहनको प्रतिनिधित्व गर्ने
हर एकको मन रंगाउन सक्ने त्यो होली, खै कहिल्यै आएन
आयो त मात्र शरीर रंगाउने होली..रंग हरु पोख्न मात्र।।

होली खेल्न उत्साहित हुने मेरो मन
बढीरहेको होलिका प्रवृत्ति देखेर तर्सन्छ..
हेर्दै हर विकृत मन का रंगिएका मुहार देखेर
अनि आफैसंग प्रश्न गर्छ यो मन..
कतै होलीको महिमा अनि गाथा फेरिएको त छैन?
सत्य र निष्ठाको किताब कतै केरीएको त छैन?

कति राम्रो हुन्थ्यो होला रंगले नचिनिने त्यो मुहार
पानिले पखाल्दा सफा चम्किलो देखिएझै
त्यो मन पनि पखालिएर सफा हुने भए?

आशा गर्छु अबको होलीमा तिमि आउने छौ
सुन्दर सफा मन लिई
अनि खेलौला सत्य सुन्दर मनहरु बिचको होली
चम्किलो रंगिबिरंगि रंगहरुको साथमा....।।।।

लेखक/साहित्यकार - प्रवीण धितालबाट साभार ।

प्रकाशित मिति: आइतबार, चैत ११, २०८० १३:०६

प्रतिक्रिया दिनुहोस्