बर्दियाको गुलरिया नगरपालिका क्षेत्रमा बाघले आक्रमण गर्दा दुइ जना घाइते, अस्पताल भर्ना गरियो

पालिका

Home
पालिका
बर्दियाको गुलरिया नगरपालिका क्षेत्रमा बाघले आक्रमण गर्दा दुइ जना घाइते, अस्पताल भर्ना गरियो

बर्दियाको गुलरिया नगरपालिका क्षेत्रमा बाघले आक्रमण गर्दा दुइ जना घाइते, अस्पताल भर्ना गरियो

तस्बिर - प्रतिकात्मक सांकेतिक

सन्दिप नाथ योगी, बर्दिया । बर्दियाको सदरमुकाम गुलरिया नगरपालिकामा पर्ने वडा नम्बर ११ गोरख चौराहामा रहेको नर्सरी (जंगल)बाट आएको बाघले आक्रमण गर्दा दुई जना घाइते भएका छन । घाइते हुनेमा ३७ वर्षीया कृष्ण तुला हजाम र ६६ वर्षीय मोहन लाल थारू रहेका छन् । डिभिजन वन कार्यालयका अधिकारीहरू घटनास्थलमा पुगेर आक्रमण गर्ने चितुवा हो वा बाघ हो भन्नेमा अनुसन्धान भैरहेको हाम्रा वन स्रोतले बताउनुभयो ।

करिब साढे ११ देखि १२ बजेको बिचमा आज बाघले आक्रमण गरेको प्रहरी स्रोतले बतायो ।

घाइतेहरूको उपचार जिल्ला अस्पताल बर्दियामा भैरहेको जिल्ला प्रहरी कार्यालय बर्दियाका प्रवक्ता एवं सुचना अधिकारी प्रहरी नायव उपरिक्षक तुल्सी राम अर्यालले जानकारी दिनुभयो । उहाँले सो बाटोको प्रयोग राती नगर्न तथा दिउँसोपनी प्रयोग गर्नुपर्ने अवस्था आए सतर्क रहन बर्दियावासीलाई अपिल गर्नुभयो । अहिले प्रहरीले जनताको सुरक्षार्थ अर्को बैकल्पिक बाटोबाट यात्रुहरूलाई पठाइरहेको छ भने उक्त घटनास्थल नजिक सुरक्षा दिइरहेको अवस्था छ ।

बाँके र बर्दियामा धमाधम बाटो बनाउने कार्य भएकाले बर्दिया तथा बाँकेवासीहरू गणेशपुर हुँदै उक्त बाटो प्रयोग गर्न बाध्य छन् । असारे विकासले गति लिएपछि सडक धमाधम उधारेर, कल्भर्ट फोडेर बाँके र बर्दिया जोड्ने मुख्य बाटो प्रयोग गर्ने व्यक्ती वा मोटरसाइकल चालक गुलरियाबाट नेपालगन्ज पुग्दा आफुले ऐना हेर्दा आफुले आफैलाई नचिन्ने अवस्था आएकाले यस्तो खालको आमूल विकास धमाधम भएकाले स्थानिय गणेशपुर हुँदै लक्ष्मणा भएर राजमार्गमार्ग मार्फत गन्तव्यमा पुग्न बाध्य छन् ।

प्रकाशित मिति: आइतबार, पुस १, २०८० १३:२१

प्रतिक्रिया दिनुहोस्