पूर्व कमैयाको अवस्था सुधार नहुनु दुःखद् : लुम्बिनी प्रदेशका मुख्यमन्त्री चौधरी

प्रदेश

Home
प्रदेश
पूर्व कमैयाको अवस्था सुधार नहुनु दुःखद् : लुम्बिनी प्रदेशका मुख्यमन्त्री चौधरी

पूर्व कमैयाको अवस्था सुधार नहुनु दुःखद् : लुम्बिनी प्रदेशका मुख्यमन्त्री चौधरी

तुलसीपुर । लुम्बिनी प्रदेशका मुख्यमन्त्री डिल्लीबहादुर चौधरीले कमैया मुक्त भए पनि अझै सुधार नुहुनु दुःखद् रहेको बताउनुभएको छ ।

तेइसौँ मुक्त कमैया दिवसका अवसरमा शुभकामना सन्देश दिँदै भन्नुभयो, "तराईका दाङ, बाँके, बर्दिया, कैलाली कञ्चनपुरका २७ हजार पाँच सय ७० कमैया मुक्त घोषणा भए पनि अझै पनि पूर्णरूपमा मुक्त हुन सकिरहेका छैनन् ।"

मुक्त कमैयाका समस्या समाधानका लागि तीनै तहका सरकार गम्भीर बन्नुपर्ने मुख्यमन्त्री चौधरीको भनाइ छ । विसं २०५७ साउन २ गते कमैया मुक्ति घोषणा गरिएको थियो ।

त्यस्तै लुम्बिनी प्रदेशका अर्थमन्त्री धनबहादुर मास्कीले मुक्त कमैयालाई राजगारीमा जोड्नका लागि बजेट विनियोजन गरेको जानकारी दिनुभएको छ ।

मुक्त कमैया दिवसका अवसरमा एक प्रेस विज्ञप्ति जारी गर्दै उहाँले कमैयालाई रोजगारीमा जोड्न प्रदेश सरकारले उच्च प्राथमिकता दिएको छ भन्नुभयो ।

उहाँले कमैया मुक्त भए पनि उचित व्यवस्थापन हुन नसक्नु दुःखद् रहेको जनाउँदै त्यसतर्फ प्रदेश सरकार गम्भीर रहेको बताउनुभयो ।

प्रकाशित मिति: मंगलबार, साउन २, २०८० १०:११

प्रतिक्रिया दिनुहोस्