मनाङ एयरको हेलिकप्टर दुर्घटना, ५ जनाको मृत्यु

देश

Home
देश
मनाङ एयरको हेलिकप्टर दुर्घटना, ५ जनाको मृत्यु

मनाङ एयरको हेलिकप्टर दुर्घटना, ५ जनाको मृत्यु

काठमाडौं । सोलुखुम्बुबाट काठमाडौंका लागि उडेको मनाङ एयरको हेलिकोप्टर सुोलुखुम्बुको दुधकुण्ड नगरपालिका- २ लामाजुरामा दुर्घटना ग्रस्त अवस्थामा फेला परेको छ ।

आज (मंगलबार) सोलुखुम्बुको सुर्केबाट काठमाडौंका लागि उडेको हेलिकोप्टर सोलुदुधकुण्ड नगरपालिका र लिखुपिके गाउँपालिकानजिकैको लामाजुरामा दुर्घटना ग्रस्त अवस्थामा भेटिएको दुर्घटनास्थलमा पुगेका प्रहरी सहायक निरीक्षक निराजन बस्नेतले जानकारी दिनुभयो ।

प्रहरीले घटनास्थलमा उद्धारको काम सुरु गरिसकेको उहाँले जानकारी दिनुभयो । अहिलेसम्म हेलिकोप्टरमा सवार ५ जनाको शव भेटिएको उहाँले जानकारी दिनुभयो । उनीहरुको पहिचान भने भएको छैन । उक्त हेलिकोप्टरमा पाइटलसहित ६ जना यात्रु सवार थिए ।

मनाङ एयरको ९एनए–एमभी कलसाइन भएको हेलिकप्टर बिहान १० बजेर १ मिनेटपछि सम्पर्कविहीन बनेको थियो । अहिले दुर्घटनास्थलमा काठमाडौंबाट गएको अल्टिच्युड एयरको हेलिकप्टर पनि अवतरण गरेको प्रहरी निरिक्षक बस्नेतले जानकारी दिनुभयो ।

प्रकाशित मिति: मंगलबार, असार २६, २०८० १३:२५

प्रतिक्रिया दिनुहोस्