'६७ औं प्रहरी दिवस २०७९' को अवसरमा बर्दियाका एसपी बिरेन्द्र शाहीको समाजसेवा
बर्दिया । जिल्ला प्रहरी कार्यालय बर्दियाका प्रमुख (एसपी) बिरेन्द्र बहादुर शाहीले सामाजिक सेवा गर्दै आफ्नो संगठनको "६७ औं प्रहरी दिवस २०७९" मनाउनुभएको छ ।
जिल्लाको नीतिनिर्माण र कमान्डमा अब्बल दखल राख्ने भनेर आफ्नो परिचय स्वयं स्थापित गर्न सफल एसपी शाहीले तामझाम नगरेर जिल्ला अस्पताल बर्दियामा उपचारार्थ भर्ना भएका बिरामीहरूको शिघ्र स्वास्थ्य लाभको कामना गर्दै फलफूल वितरण गरेर "६७ औं प्रहरी दिवस २०७९" मनाउनु भएको छ ।
यो अनौठो र समाजसेवी कामको बर्दिया जिल्लावासीले खुला हृदय देखि स्वागत गरेका छन ।
जिल्ला प्रहरी कार्यालय बर्दियाको फेसबुक ह्यान्डलबाट "६७ औं प्रहरी दिवस २०७९" मनाइएको बारेमा जानकारी दिँदा बर्दियावासीहरूले एसपी शाहीको यो नौलो तर समाजसेवा मूलक कामको बिभिन्न कमेन्ट प्रतिउत्तर सहित उहाँको कामको प्रशंसा गर्दै सो कार्यको लागि धन्यवाद दिएका छन ।
उहाँले आफ्नो प्रहरी दिवस चुड्किलो भड्किलो किसिमले नगरेर बिरामीको स्वास्थ्य लाभको कामना गर्दै फलफूल बाँडेर गर्नुभएको छ ।
त्यस्तै उक्त समाजसेवा मूलक कार्यमा जिल्ला प्रहरी कार्यालय बर्दियाका प्रवक्ता प्रहरी नायब उपरीक्षक (डिएसपी) डेपुटी सुपरिटेन्डेन्ट अफ पुलिस हिक्मत बहादुर बोहरा लगायत प्रहरी अधिकारीहरूको संलग्नता रहेको थियो ।
प्रहरी सङ्गठनमा केही यस्तै प्रहरी अधिकारीहरूको दूरदृष्टिकोण र उदाहरणीय कार्यका कारण नेपाल प्रहरीको स्वाभिमान दिनानुदिन बढ्दो छ ।
२० देखी २२ वर्ष अघिका हत्याकाण्डको रहस्यको पर्दाफास गर्दै अपराधीलाई कानुनी दायरामा ल्याउने देखी संगठनको मर्यादालाई आफ्नो अनुशासित जीवन अर्पन गरेर जनताको सेवामा समर्पित प्रहरी सङ्गठनमा ५ औंला बराबर नभए जस्तै केही खराब अंग भएपनि बर्दिया प्रहरीको यो कार्यले नेपाल प्रहरी वास्तवमै प्रत्यक प्रहर साथ दिने हरिको रूप हो भन्ने आभास र अनुभुति सबैलाई दिएको छ ।
बर्दिया प्रहरीको अथक प्रयासको मूल्यांकन सङ्गठनले गर्ला नै तर जनताले मन र मस्तिष्कबाट मूल्यांकन गरेका छन । नेपथ्यबाट चिहाएर पर्दा पछाडिबाट हेर्दा यस्तै नवीन र ऊर्जाशील कार्य गरेर आफ्नै दिवस मनाउनुलाई नागरिकले आफ्नो चस्माबाट उचित मूल्यांकन गरेको प्रष्ट हुन्छ ।
केही दिन अघि बिपद्को बखत नेपाल प्रहरी बर्दियाले नागरिकको जिउज्यानको वचाव, उद्धार प्रतिकार्यमा खेलेको भूमिकाले पनि बर्दिया प्रहरी नागरिक प्रति लोकउत्तरदायी छ भन्ने कुरा जगजाहेर गर्दछ ।
नौलो र उदाहरणीय कार्य गर्दै बर्दिया प्रहरीले आफ्नो ६७ औं प्रहरी दिवस मनाएको छ ।
नोट : हामी कमी कमजोरीको बारेमा रचनात्मक रूपले जगजाहेर गर्दै सजग गराउँछौँ भने सकारात्मक कामको सदैव सर्वदा समर्थन गर्छौँ ।
