रामायण सर्किट, विद्युत्, मलखाद आपूर्तिलगायतका विषयमा परराष्ट्रमन्त्री खड्का र भारतका विदेशमन्त्रीबीच छलफल

देश

Home
देश
रामायण सर्किट, विद्युत्, मलखाद आपूर्तिलगायतका विषयमा परराष्ट्रमन्त्री खड्का र भारतका विदेशमन्त्रीबीच छलफल

रामायण सर्किट, विद्युत्, मलखाद आपूर्तिलगायतका विषयमा परराष्ट्रमन्त्री खड्का र भारतका विदेशमन्त्रीबीच छलफल

काठमाडौँ । बहुक्षेत्रीय प्राविधिक तथा आर्थिक सहयोगका लागि बङ्गाल खाडीको प्रयास (बिम्स्टेक)को १८औँ मन्त्रिस्तरीय बैठकमा भागलिने सिलसिलमा श्रीलङ्काको कोलम्बोमा रहनुभएका परराष्ट्रमन्त्री डा नारायण खड्काले आफ्ना भारतीय समकक्षी सुव्रमन्यम् जयशङ्करसँग भेटवार्ता गर्नुभएको छ ।

त्यस अवसरमा उहाँहरूबीच नेपाल–भारत सम्बन्धका साथै पारस्परिक हित र साझा चासोका विविध विषयमा विचारविमर्श भएको थियो ।

आगामी शुक्रबारदेखि प्रधानमन्त्री शेरबहादुर देउवाले गर्न लाग्नुभएको भारतको औपचारिक भ्रमणको जारी तयारीका बारेमा पनि दुवै देशका विदशेमन्त्रीबीच छलफल भएको परराष्ट्र मन्त्रालयले जनाएको छ ।

यसैबीच, भारतका बाह्यमामिलामन्त्रीले परराष्ट्रमन्त्री खड्कासँगको भेटमा भारत–नेपाल सम्पर्क सञ्जाल विस्तार, विद्युत् व्यापार, मलखाद आपूर्ति, ऊर्जा र स्वास्थ्यका क्षेत्रमा सहकार्य गर्नेबारेमा छलफल भएको सामाजिक सञ्जालमा उल्लेख गर्नुभएको छ । उहाँले रामायण परिपथ (सर्किट)लाई अघि बढाउन आफूहरूबीच सहमति भएको पनि उल्लेख गर्नुभएको छ ।

प्रकाशित मिति: मंगलबार, चैत १५, २०७८ १६:११

प्रतिक्रिया दिनुहोस्