चीनले नेपाललाई ११ अर्ब ४० करोड सहयोग उपलब्ध गराउने, नेपाली विद्यार्थीलाई छिट्टै चीन फर्काउने आश्वासन

देश

Home
देश
चीनले नेपाललाई ११ अर्ब ४० करोड सहयोग उपलब्ध गराउने, नेपाली विद्यार्थीलाई छिट्टै चीन फर्काउने आश्वासन

चीनले नेपाललाई ११ अर्ब ४० करोड सहयोग उपलब्ध गराउने, नेपाली विद्यार्थीलाई छिट्टै चीन फर्काउने आश्वासन

नेपाल–चीन–शिष्टाचार भेटवर्ता (तस्वीर)- राष्ट्रपति विद्यादेवी भण्डारीसँग शीतल निवासमा आइतबार शिष्टाचार भेटवार्ता गर्दै नेपालको तीनदिने भ्रमणमा रहनुभएका चीनको राज्यपरिषद्का सदस्य एवम् विदेशमन्त्री वाङ यी ।

काठमाडौँ । चीन सरकारले आर्थिक एवं प्राविधिक सहयोगअन्तर्गत नेपाल सरकारलाई रु ११ अर्ब ४० करोडभन्दा बढी अनुदान सहयोग उपलब्ध गराउने भएको छ ।

उक्त रकम दुवै देशको सहमतिमा निर्धारण गरिएका परियोजना कार्यान्वयन गर्न खर्च गरिने अर्थ मन्त्रालयले जनाएको छ ।

यसैबीच नेपालको भ्रमणमा रहनुभएका चीनका विदेशमन्त्री वाङ यीले आफ्ना राष्ट्रपति सी चिनफिङको नेपाल भ्रमणका बेला घोषणा भएको विकास सहायता रकम पनि उपलब्ध गराउने प्रतिबद्धता व्यक्त गर्नुभएको छ ।

शनिबार राजधानीमा सम्पन्न नेपाल–चीन परराष्ट्र मन्त्रीस्तरीय वार्तामा उहाँले उक्त प्रतिबद्धता व्यक्त गर्नुभएको हो । साथै उहाँले रसुवागढी–तातोपानी सीमानाका वस्तु तथा सेवाको दुईतर्फी आवागमन पूर्णरूपमा सञ्चालन गर्न सहमति जनाउनुभएको छ ।

वार्ताका क्रममा दुवै देशका परराष्ट्र मन्त्रीले सम्वद्ध निकायलाई सीमानाका शीघ्र सञ्चालन गर्न आवश्यक तयारीका निम्ति निर्देशन दिइसक्नुभएको छ । चिनियाँ विदेशमन्त्रीले नेपाली विद्यार्थीलाई चाँडोभन्दा चाँडो चीन फर्काउने आश्वासन पनि दिनुभएको थियो ।

प्रकाशित मिति: आइतबार, चैत १३, २०७८ ११:३५

प्रतिक्रिया दिनुहोस्