मकवानपुरको मनहरीमा भएको बस दुर्घटनामा दुई जनाको घटनास्थलमै मृत्यु, दर्जनौँ घाइते

देश

Home
देश
मकवानपुरको मनहरीमा भएको बस दुर्घटनामा दुई जनाको घटनास्थलमै मृत्यु, दर्जनौँ घाइते

मकवानपुरको मनहरीमा भएको बस दुर्घटनामा दुई जनाको घटनास्थलमै मृत्यु, दर्जनौँ घाइते

बागमती । मकवानपुरको मनहरीमा आज भएको यात्रुबस दुर्घटनामा परी मृत्यु भएका दुई जनाको सनाखत भएको छ ।

पूर्व–पश्चिम महेन्द्र राजमार्गअन्तर्गत मकवानपुरको मनमहरी गाउँपालिका–६ मा भएको दुर्घटनामा मृत्यु हुनेहरूमा बसका सहचालक नुवाकोट जिल्ला तारकेश्वर गाउँपालिका–४ निवासी २२ वर्षीय सुवास श्रेष्ठ र उक्त बसमा सवार सोही ठाउँका २९ वर्षीय शम्भु दराई मगर रहेको जिल्ला प्रहरी कार्यलयका प्रवक्ता प्रहरी नायब उपरीक्षक जयश्वर रिमालले जानकारी दिनुभयो ।

प्रहरीका अनुसार हेटौँडाबाट चितवनतर्फ गइरहेको ना४ख ४४५४ नंवरको बस आज बिहान ८ः३० बजे मनहरी ६ को कुलचोकमा दुर्घटना भएको हो । दुर्घटनामा दुई जनाको घटनास्थलमै मृत्यु भएको भएको मनहरीस्थित इलाका प्रहरी कार्यलयका प्रहरी निरीक्षक प्रकाश थापाले जानकारी दिनुभयो ।

बसमा कति यात्रु सवार थिए भन्ने यकिन विवरण नआइसकेको र दुर्घटनाको कारण पनि खुल्न नसकेको उहाँको भनाइ थियो । घाइते भएकाहरूलाई चितवन अस्तपल पठाइएको र मृतकको शव परीक्षणका लागि हेटौँडा अस्पताल ल्याइएको छ ।

प्रकाशित मिति: शुक्रबार, चैत ४, २०७८ १२:१८

प्रतिक्रिया दिनुहोस्