संस्था चलायमान हुन नेतृत्व बलियो हुन जरुरी छ : नमुना

समाज

Home
समाज
संस्था चलायमान हुन नेतृत्व बलियो हुन जरुरी छ : नमुना

संस्था चलायमान हुन नेतृत्व बलियो हुन जरुरी छ : नमुना

नेपालगन्ज : प्रदेश सभा सदस्य कृष्णा केसी 'नमुना'ले कुनैपनि संस्था चलायमान हुनको लागि नेतृत्व बलियो हुन जरुरी रहेको बताउनुभएको छ।

शनिबार नेपालगन्जमा आयोजित नेपाल घरेलु तथा साना उद्योग महासंघ, नेपालगन्ज नगर समिति तथा नेपालगन्ज महिला उद्यमी नगर समितिको प्रथम साधारण सभा तथा अधिवेशनमा प्रमुख अतिथिको उपस्थित रहनुभएको नमुनाले आफ्नो मन्तव्य राख्दै सो कुरा बताउनुभएको हो।

"संस्था खोलेर मात्रै हुँदैन। खोलिएको संस्था चलायमान र वृद्धि विकास गर्नको लागि नेतृत्वको महत्त्वपूर्ण भुमिका हुन्छ'', नमुनाले भन्नुभयो, ''घरेलु तथा साना उद्योग भित्र पर्ने हरेक व्यवसाय गर्दा जीवनस्तर फेरिने खालको व्यवसाय गर्नुपर्दछ।संस्थाप्रति दत्तचित्त भएर कार्यसम्पादन गर्दै गइयो भने व्यवसायमा व्यवसायिकता पक्कै आउँछ।"

घरेलु तथा साना उद्योग नगर समितिका संयोजक दिपेन्द्र कुमार जोशीको सभापतित्वमा सम्पन्न कार्यक्रममा उपस्थित अन्य अतिथिले पनि आफ्नो भनाइ राख्नुभएको थियो। स्वदेशमै व्यवसाय गरेर स्वरोजगार हुनुको लागि सबैजना मिहिनेत गरेर अगाडि बढ्न आवश्यक रहेको आसय मन्तव्य राख्ने प्रायः वक्ताहरुको थियो।

कार्यक्रममा घरेलु तथा साना उद्योगसंग सम्बन्धि विशिष्ट व्यक्तिहरूको बाक्लो उपस्थिति रहेको थियो।

प्रकाशित मिति: शनिबार, कात्तिक २७, २०७८ १९:३७

प्रतिक्रिया दिनुहोस्