विप्लव समूहले गर्‍यो आन्दोलनका कार्यक्रम घोषणा, ३० गते नेपाल बन्द गर्ने

देश

Home
देश
विप्लव समूहले गर्‍यो आन्दोलनका कार्यक्रम घोषणा, ३० गते नेपाल बन्द गर्ने

विप्लव समूहले गर्‍यो आन्दोलनका कार्यक्रम घोषणा, ३० गते नेपाल बन्द गर्ने

काठमाडौँ । नेत्र विक्रम चन्द विप्लव नेतृत्वको नेपाल कम्युनिष्ट पार्टी (नेकपा)ले पेट्रोलियम पदार्थको मूल्यवृद्धिको विरोधमा आन्दोलनका कार्यक्रम घोषणा गरेको छ । बिहिबार एक विज्ञप्ति जारी गर्दै नेकपाका महासचिव विप्लवले आन्दोलनका कार्यक्रमहरु घोषणा गरेका हुन् ।

बुधबार सरकारले पेट्रोल, डिजेल र मट्टितेलमा प्रतिलिटर ३ रुपैयाँ र खाना पकाउने एलपी ग्यासमा प्रति सिलिण्डर ७५ रुपैयाँ मूल्यवृद्धि गरेको थियो । पेट्रोलियम पदार्थको मूल्यवृद्धिको विरोधमा विप्लवले कात्तिक ३० गते नेपाल बन्द पनि गर्ने भएको छ ।

विज्ञप्तिमा भनिएको छ - 'जनस्तरमा पेट्रोलियम भइरहेको विरोध भइरहेका बेला नेकपाले पनि आन्दोलनको घोषणा गरेको हो । जनताको दैनिक जीवनसँग जोडिएका पेट्रोलियम तथा खाद्यवस्तु जस्ता अत्यावश्यक वस्तुमा नेपाल सरकारले निरन्तर मूल्यवृद्धि गर्दै आएको छ र यसप्रकारको सरकारी दोहनलाई जनताले निरीहतापूर्वक पालना गर्नुपर्ने बाध्यता जस्तै बनेको तथ्य हाम्रो सामु छ'

विज्ञप्ति अनुसार विप्लव समूहले कात्तिक २५ गते देशव्यापी विरोध प्रदर्शन, कात्तिक २६ गते साँझ मसाल जुलुस, कात्तिक ३० गते नेपाल बन्द लगायतका कार्यक्रमहरू गर्ने भएको छ ।

प्रकाशित मिति: बिहीबार, कात्तिक २५, २०७८ १५:२९

प्रतिक्रिया दिनुहोस्