जनगणनाका लागि सही विवरण उपलब्ध गराउन प्रधानमन्त्री देउवाको अनुरोध

देश

Home
देश
जनगणनाका लागि सही विवरण उपलब्ध गराउन प्रधानमन्त्री देउवाको अनुरोध

जनगणनाका लागि सही विवरण उपलब्ध गराउन प्रधानमन्त्री देउवाको अनुरोध

काठमाडौं - प्रधानमन्त्री शेरबहादुर देउवाले राष्ट्रिय जनगणनाका लागि सही विवरण उपलब्ध गराउन अनुरोध गर्नुभएको छ। प्रधानमन्त्री देउवाले जनगणनाको मूल गणना सुरु हुनु अघि भिडियो सन्देशमार्फत आमनागरिकसँग सो अनुरोध गर्नुुुभएको हो।

उहाँले नागरिकले दिएका सम्पूर्ण व्यक्तिगत विवरण तथ्यांक ऐन, २०१५ बमोजिम गोप्य रहने भएकाले आआफ्नो घरमा आउने गणकलाई सही विवरण उपलब्ध गराउन अनुरोध गर्नुुुभएको छ।

उहाँले सही विवरण उपलब्ध गराएर राष्ट्रको नीति निर्माणका लागि अपरिहार्य सूचना संकलन गर्ने कार्यमा महत्त्वपूर्ण भूमिका निर्वाह गर्न भन्नुभएको छ । जनगणनाले व्यक्तिको मात्र गणना नगरी देश विकासको समग्र मार्गचित्र पनि तय गर्ने उहाको भनाई छ ।

संघीयतापछिको पहिलो जनगणनाको मूल गणना बिहिबारबाट ९ मंसिरसम्म चल्नेछ । जनगणनाका लागि गणकहरु बिहान ९ बजेपछि घर घरमा पुग्नेछन् ।

प्रकाशित मिति: बिहीबार, कात्तिक २५, २०७८ ०९:१३

प्रतिक्रिया दिनुहोस्