नक्कली नोट बनाउने मेसिन र १२ लाख नक्कली नोटसहित एक पक्राउ

देश

Home
देश
नक्कली नोट बनाउने मेसिन र १२ लाख नक्कली नोटसहित एक पक्राउ

नक्कली नोट बनाउने मेसिन र १२ लाख नक्कली नोटसहित एक पक्राउ

महोत्तरी । नेपाली र भारतीय रुपैयाँका नक्कली नोट छाप्ने उपकरणसहित प्रहरीले महोत्तरीमा एक जना पक्राउ गरेको छ । नक्कली नोट छाप्ने उपकरणसहित गौशाला नगरपालिका–९ डुमरवानाका ४४ वर्षीय सुकन महतोलाई नियन्त्रणमा लिइएको प्रहरीले जानकारी दिएको छ । उनलाई महोत्तरी प्रहरीले बिहीबार पक्राउ गरेको हो ।

गौशाला नगरपालिका–५ अन्तर्गत गौशाला बजारस्थित महावीर दासको घरमा डेरा लिई बसेका महतोका साथबाट नक्कली नोट विभिन्न दरका नेपाली तथा भारतीय नक्कली नोट र यो बनाउने उपकरण बरामद गरिएको महोत्तरी जिल्ला प्रहरी कार्यालयका प्रवक्ता डीएसपी प्रकाश विष्टले जानकारी दिए ।

महतोको डेराबाट तयारी तथा कटिङ नगरेका नेपाली विभिन्न दरका नक्कली नोट ८ लाख ८२ हजार ४२० रुपैयाँ तथा भारतीय २ लाख ७७ हजार ९७० रुपैयाँ साथै विभिन्न दरका नेपाली सक्कली नोट ५ हजार ७० रुपैयाँ बरादम गरिएको डीएसपी विष्टले जानकारी दिए ।

यस्तै नक्कली नोट छाप्ने प्रिन्टर मेसिन १ थान, रबर स्टाम्प १ थान, लालीगुराँस छाप भएको फलामे ढ्याक ३ थान र महात्मागान्धी भएको ढ्याक १ थान, कम्प्युटर पेपर ३ रिम, काठको ट्रेस फर्मा २ थानलगायत सरसमान बरामद भएको उनले बताए । महतोबारे थप अनुसन्धान भइरहेको जिल्ला प्रहरी कर्यालय (महोत्तरी) ले जनाएको छ ।

प्रकाशित मिति: शुक्रबार, कात्तिक १२, २०७८ ०८:४४

प्रतिक्रिया दिनुहोस्