लोकप्रिय हास्यकलाकार मनोज गजुरेलले गरे दोस्रो विवाह - नेपालकागज :: Nepal Kagaj

देश

Home
देश
लोकप्रिय हास्यकलाकार मनोज गजुरेलले गरे दोस्रो विवाह

लोकप्रिय हास्यकलाकार मनोज गजुरेलले गरे दोस्रो विवाह

नेपालकागज

नेपालकागज सोमबार, असोज २५, २०७८

काठमाडौँ । हाँस्यकलाकार मनोज गुजरेलले विवाह गरेका छन् । गजुरेलले सोमबार (आज) आफ्नो आधिकारिक फेसबूकमार्फत आफूले विवाह गरेको बताएका हुन् । उनले केही तस्बिरसहित विवाह बन्धनमा बाँधिएको बताएका छन् ।

गजुरेलले मञ्जु पोखरेलसँग विवाह गरेका हुन् । उनी नेपाल सरकारको न्याय सेवाकी अधिकृत हुन् । गजुरेलको यो दोस्रो विवाह हो । उनले पहिलो विवाह मीना ढकालसँग गरेका थिए । मीना–मनोजका एक छोरा र एक छोरी छन् ।

मनोज गजुरेलले विवाह पश्चात् लेखेको फेसबुक स्टाटस यस्तो छ...

`आफन्त, साथी तथा शुभचिन्तकहरुमा सुखद जानकारी !`

जीवन सधैँ सरल रेखामा नहिंड्ने रहेछ । मेरो लामो वैवाहिक जीवन ४ बर्षपहिले कानुनीरुपमा टुंगिएको कुरा यहाँहरुलाई विदितै छ । त्यसयता म मेरा छोरा र छोरीको एकल अभिभावक भएर बसिरहेको जानकारी पनि जगजाहेर नैतिकताको छ ।

जीवनयात्राको दौरानमा आत्मीय साथको आवश्यकता महशुस हुनु स्वाभाविकै हो । त्यसैगरी मेरा बाबु-नानीको शिक्षा, स्वास्थ्य र भविष्यको बारेमा संवेदनशिल हुनुपनि जरुरी थियो । यी दुबै अवस्थामा साथदिने सहयात्रीको अभाव समयक्रममा खड्किँदै आयो । बाबुनानीको आग्रह पनि यस्तै आउन थाल्यो ।

यसै क्रममा नेपाल सरकारको न्याय सेवाकी अधिकृत मन्जु पोखरेलजीसँग मेरो चिनजान हुनपुग्यो । बिस्तारै हाम्रो घनिष्टता बढ्न थाल्यो । एकैखालको परिबेश र उस्तै खालको भोगाईबाट गुज्रिएका हामी अन्ततः सहयात्रा गर्ने निर्णयमा पुग्यौं ।

एकअर्काका जिम्मेवारीलाई साझा जिम्मेवारी मानेर पूरा गर्ने बाचा गर्याैं । अगाडि आईपर्ने सु:ख/दु:खलाई मिलेर स्वीकार र प्रतिकार गर्ने संकल्प लियाैं । हामीलाई यो निर्णयमा पुग्न हाम्रा बाबुनानीहरुको सुझाव र सहमतीले पनि ठूलो मद्धत गर्यो ।

सम्पुर्ण मिडियाकर्मी साथीहरुलाई सादर अनुरोध छ- कृपया मेरो व्यक्तिगत जीवनका बारेमा काल्पनिक समाचार नलेखिदिनुहोला । मन्जुजीको इज्जत र प्रतिष्ठामा आँच आउने अमर्यादित कथा नकथिदिनुहोला । हाम्रा सन्तानको सुख र शान्तीकालागी परपीडक ट्रोल र भिडियो नबनाईदिनु होला !

कसैको निजी जीवनका बारेमा कपोकल्पित समाचार बनाउने, असम्बन्धित मान्छेसँग नाम जाेड्ने, हाम्रो विगतको जीवन, वर्तमानको विवाह तथा भविस्यको योजनाका बारेमा अनुमानकारिता नगर्नुहुन पनि अनुरोध गर्दछु । त्यसैगरी हाम्रो नितान्त व्यक्तिगत मामिलाका बारेमा अनाबश्यक सामग्री बनाउने कानुनी, व्यवहारिक र सामाजिक अनुमति कसैलाई नभएको कुरापनि जोडदार रुपमा जाहेर गर्दछु ।

बिगतका अराजक अन्तर्वार्ता, असामाजिक क्रियाकलाप तथा अभद्र व्यवहारका कारण म र मेरा छोराछोरीले ठूलो आघातबाट गुज्रनु परेको छ । त्यस्ता क्रियाकलापलाई स्थान दिने, उचाल्ने र गिजोल्ने युट्युब, अनलाइन समाचार, टिकटक लगायत संजालका प्रयोगकर्ताहरुलाई पनि भद्र सुझाव छ- कृपया एउटा जिम्मेवार अभिभावक भएर बोल्ने र लेख्ने गर्नुहोला । सामाजिक सन्जालको चरम दुरुपयोगले आफू र आफ्ना सन्तानलाई पार्न सक्ने गंभिर असरलाई पनि महशुस गर्नुहोला ।

अन्त्यमा, पुनः सम्पुर्णं आफन्त, साथी तथा शुभचिन्तकहरुलाई यो सुखद जानकारी गराउछौँ कि हामीले आज मिति २०७८ साल असोज २५ गते सोमबार बिहान डोलेश्वर महादेवकाे दर्शन गर्यौँ । त्यसपछि परिवारको उपस्थितिमा त्यहीँ विवाह सम्पन्न गर्यौँ । अनि, सपरिवार मानवसेवा आश्रम (कौशलटार)मा रहेका बुवाआमालाई खाना खुवाएर/खाएर विवाह सम्पन्न गरेकाछौँ । परिस्थिति सिर्जित हाम्रो यो नयाँ अध्यायलाई शुभकामना र आशिर्वाद प्रदान गर्ने सबैलाई धन्यवाद 🙏

`नवदुर्गा भवानीले सबैको रक्षा गरुन् । बडादशैँकाे हार्दिक शुभकामना 🌷`

प्रकाशित मिति: सोमबार, असोज २५, २०७८ १२:३९

प्रतिक्रिया दिनुहोस्

थप देश

आजदेखि दशैं सुरु, पहिलो दिन घटनास्थापना बिहीबार, असोज १७, २०८१

ब्रेक नै नभएका, लाइटहरूनै नभएका ७४ ओटा सवारी साधन फेला परेपछि चालकलाई कारबाही सोमबार, जेठ ७, २०८१

एक महिनामा नौ जिल्लाका एसपी कारबाहीमा, बाँकेका एसपी बोहरा तानिनुको कारण यस्तो...... मंगलबार, वैशाख २५, २०८१

अमेरिकाको सानफ्रान्सिस्कोमा नेपाल परेड डे भव्य रुपमा सम्पन्न मंगलबार, वैशाख ४, २०८१

नेपालको सान, मान र सम्मानका पर्यायवाची बन्दै अमेरिकाका सम्पूर्ण NRNA मंगलबार, चैत २७, २०८०

बर्दियाका सुरक्षाकर्मी र भारतिय बिच गोप्य वार्ता, नेपाली पक्षको दमदार प्रस्तुतिमा भारतीय सहमत सोमबार, चैत २६, २०८०

भर्खरै

आजदेखि दशैं सुरु, पहिलो दिन घटनास्थापना

आजदेखि दशैं सुरु, पहिलो दिन घटनास्थापना

बर्दियामा एक महिलाको हत्या, एक जना पक्राउ

बर्दियामा एक महिलाको हत्या, एक जना पक्राउ

आतिशी दिल्लीको नयाँ मुख्यमन्त्री बन्दै

आतिशी दिल्लीको नयाँ मुख्यमन्त्री बन्दै

कांग्रेस बाँकेको 'चार महिने पार्टी संगठन सुदृढीकरण अभियान

कांग्रेस बाँकेको 'चार महिने पार्टी संगठन सुदृढीकरण अभियान

मुकुल भन्छन्- रवि जेल जाने पक्का भएपछि न्वारनदेखिको बल लगाएर क्लिन चिट पाए भन्दैछन्

मुकुल भन्छन्- रवि जेल जाने पक्का भएपछि न्वारनदेखिको बल लगाएर क्लिन चिट पाए भन्दैछन्

लोकप्रीय

Week
Month

यो पनि

युनिकोडमा परिवर्तन गर्नुहोस्

युनिकोडमा परिवर्तन गर्नुहोस्

आजको विनिमयदर

आजको विनिमयदर

सुन-चाँदि

सुन-चाँदि

सेयर बजार

सेयर बजार