नेपालगन्जको जमुनाह नाकामा गरियो तालिमप्राप्त कुकुर परिचालन

देश

Home
देश
नेपालगन्जको जमुनाह नाकामा गरियो तालिमप्राप्त कुकुर परिचालन

नेपालगन्जको जमुनाह नाकामा गरियो तालिमप्राप्त कुकुर परिचालन

नेपालगन्ज : बाँकेको जमुनाह नाका खुलेसंगै भारतबाट नेपाल आउने र नेपालबाट भारत जानेको संख्या बढिरहेको छ। विशेषगरी नेपालबाट भारत जाने भन्दा भारतबाट नेपाल आउनेको संख्या अधिक छ पछिल्लो समयमा।

महान चाड दसैं मनाउन भारतबाट नेपाल आउने नेपालीहरुको लर्को नेपालगन्जको जमुनाह नाकामा देख्न सकिन्छ। नाकामा भिड हुनेभएपछि चोरी एवम् तस्करी हुने कार्यलाई कडा निगरानी राख्नको लागि बाँके प्रहरी निकै सक्रिय भएको छ।

यसैबीच, नाकामा कडा चेक जाँच गर्नको लागि बाँके प्रहरीले आज शनिबारबाट तालिमप्राप्त कुकुर समेत परिचालन गरेको छ। बाँके प्रहरीले कोहलपुरबाट डग हेन्डलर सहितको टोली लिएर जमुनाहा नाकामा चेकजाँच सुरु गरेको जिल्ला प्रहरी कार्यालय बाँकेले जानकारी दिएको छ ।

जिल्ला प्रहरी बाँकेका अनुसार ती तालिम प्राप्त कुकुरहरुले गाडी तथा यात्रुहरुका सामाग्रीहरु सुँघेर चेकजाँच गर्नेछन् । नाकामा हुन सक्ने कुनै पनि संदिग्ध ब्यक्ति अथवा अन्य कुरा पनि ती तालिम प्राप्त कुकुरहरुले पत्ता लगाउने बाँके प्रहरीले जानकारी दिएको छ ।

जिल्ला प्रहरी बाँकेबाट प्रहरी निरीक्षक ईश्वरदेब गिरीको कमान्डमा गएको डग हेन्डलर सहितको टोलीले भारतबाट नेपालतर्फ र नेपालबाट भारततर्फ आवतजावत गर्ने सवारीसाधन, पैदल यात्रीहरुलाई संयुक्तरुपमा चेकजाँच गर्नेछ ।

प्रकाशित मिति: शनिबार, असोज २३, २०७८ १२:४५

प्रतिक्रिया दिनुहोस्