नेपालगन्ज १२ को वडा कार्यालयलाई बनाइयो आइसोलेसन वार्ड

पालिका

Home
पालिका
नेपालगन्ज १२ को वडा कार्यालयलाई बनाइयो आइसोलेसन वार्ड

नेपालगन्ज १२ को वडा कार्यालयलाई बनाइयो आइसोलेसन वार्ड

नेपालगन्ज १२ को वडा कार्यालयलाई बनाइयो आइसोलेसन वार्ड

नेपालगन्ज । नेपालगन्ज उपमहानगरपालिका वडा नम्बर १२ को कार्यालयलाई आइसोलेसन वार्ड बनाइएको छ । ४ जना महिला र १० जना पुरुषलाई राख्न सकिने गरी १४ सैयाको अस्थायी आइसोलेसन तयार गरिएको वडा अध्यक्ष बुद्धिसागर सुवेदीले जानकारी दिनुभयो ।

नेपालगन्ज उपमहानगरपालिकाका प्रमुख डा. धवलशम्शेर राणा र उपप्रमुख उमा थापा मगरले आज वडा कार्यालयमा आइसोलेसनको उद्घाटन गर्नुभयो । सो अवसरमा नगर प्रमुख राणाले कोभिड संक्रमण अन्त्य हुने निश्चित नभएका कारण भविष्यमा आइपर्न सक्ने अवस्थालाई मध्यनजर गर्दै तयारी गर्नुपर्ने बताउनुभयो । उहाँले वडा कार्यालयमा आइसोलेसन भएपछि वडाबासीलाई सहज हुने बताउनुभयो ।

वडाअध्यक्ष सुवेदीका अनुसार भाडामा बस्ने र घरमा आइसोलेसनको सहज व्यवस्था हुन नसक्नेहरुका लागि लक्षित गरी आइसोलेसन तयार गरिएको हो । केही दिनमा चिकित्सक र औषधि सहितको घरदैलो अभियान सञ्चालन गरिने कार्यालयले जनाएको छ ।

नेपालगञ्जमा यसअघि वडा नम्बर ४ ले दुई जना चिकित्सकसहित १० सैयाको आईसोलेसन सञ्चालन गरिरहेको छ । उपमहानगरपालिकाले ह्वाइटहाउस र रामलिला मैदानमा आइसोलेसन केन्द्र सञ्चालन गरिरहेको छ । वडाहरुमा चिकित्सक सहितको घरदैलो र सेनीटाइजर गर्ने कार्य चलिरहेको उपप्रमुख उमा थापा मगरले जानकारी दिनुभयो ।

प्रकाशित मिति: बिहीबार, वैशाख ३०, २०७८ १६:०२

प्रतिक्रिया दिनुहोस्