चितुवाको आक्रमणमा परि दुई जना घाइते, आत्मरक्षाका क्रममा लडाइ पर्दा चितुवाको मृत्यु

देश

Home
देश
चितुवाको आक्रमणमा परि दुई जना घाइते, आत्मरक्षाका क्रममा लडाइ पर्दा चितुवाको मृत्यु

चितुवाको आक्रमणमा परि दुई जना घाइते, आत्मरक्षाका क्रममा लडाइ पर्दा चितुवाको मृत्यु

भारतीय सिमा नजिक रहेको आफ्नै खेतबारीमा काम गरिरहेको अवस्थामा भारतको जंगलबाट आएको चितुवाको आक्रमणमा परि दुई जना घाइते भएका छन । बिहान करिब ७:३० बजेको समयमा गुलरिया नगरपालिका -१० कालाबन्जार बस्ने ५० वर्षीय इद्रीसी बेहेना र ३० वर्षिय सफिक बेहेनालाई चितुवाले आक्रमण गरि घाइते बनाएको हो । चितुवाले आक्रमण गर्दा इद्रीसी बेहेनाको मुख, हात र शरीरका विभिन्न भागहरुमा घाउ भएको छ भने सफिक बेहेनाको हात र ढाडमा चोट लागेको छ ।

यता इद्रीसी बेहेनालाई आक्रमण गरेको देखेपछी बचाउन गएका सफिक बेहेनाको आत्मरक्षाका क्रममा चितुवा संग घम्साघम्सी पर्दा मुखमा चोट लागेर चितुवाको मृत्यु भएको छ । दुबै घाइतेलाई उपचारका लागि जिल्ला अस्पताल बर्दिया पठाइएको छ भने घाइते अहिले सामान्य अवस्थामा रहेको प्रहरी उपरीक्षक ईश्वर कार्कीले जानकारी दिनुभएको छ ।

त्यस्तै मृत चितुवालाई अहिले डिभिजन वन कार्यालय बर्दियामा राखिएको सूचना अधिकारी द्रोण राज शर्माले बताउनु भयो । पोष्टमार्टम गरेपछी कानुनी प्रक्रिया पूरा गरि चितुवालाई गाडिने डिभिजन वन कार्यालय बर्दियाले जनाएको छ ।

प्रकाशित मिति: आइतबार, वैशाख २६, २०७८ १२:२९

प्रतिक्रिया दिनुहोस्