वीरगन्ज महानगरपालिकाले कोभिड अस्पताल संचालनमा ल्यायो, पहिलो बिरामी उपप्रमुख कार्की

पालिका

Home
पालिका
वीरगन्ज महानगरपालिकाले कोभिड अस्पताल संचालनमा ल्यायो, पहिलो बिरामी उपप्रमुख कार्की

वीरगन्ज महानगरपालिकाले कोभिड अस्पताल संचालनमा ल्यायो, पहिलो बिरामी उपप्रमुख कार्की

वीरगन्ज । वीरगन्जका अस्पतालमा शैया अभाव भएपछि वीरगन्ज महानगरपालिकाले २ सय ३० शैयाको कोभिड अस्थायी अस्पताल तथा आइसोलेसन सेन्टर संचालनमा ल्याएको छ ।

वीरगन्ज १० घडीअर्वास्थित गोपाल मण्डली अतिथी सदनमा महानगरपालिकाले शुक्रबारदेखि २ सय ३० शैयाको कोभिड अस्थायी अस्पताल तथा आइसोलेसन सेन्टर संचालनमा ल्याएको हो ।

महानगरले सञ्चालनमा ल्याएको कोभिड अस्थायी अस्पतालमा पहिलो बिरामी महानगरपालिकाकी उपप्रमुख शान्ति कार्की भर्ना भएकी छन् । कार्कीलाई बिहीबार कोरोना संक्रमण पुष्टि भएको थियो ।

पर्सा जिल्लामा संक्रमितको संख्या अप्रत्याशीत रुपमा बढ्दै गएपछि एक हप्ता पहिले बसेको जिल्ला कोभिड संकट व्यावस्थापन केन्द्र (डिसिसिएमसी) को मङगलबार बसेको बैठकले वीरगन्ज महानगरपालिकाले कोभिड अस्थायी अस्पताल तथा आइसोलेसन सेन्टर सञ्चालनमा ल्याउने निर्णय गरेको थियो ।

त्यहि निर्णयअनुसार ,वीरगन्ज महानगरपालिकाले भने २ सय ३० शैयाको कोभिड अस्थायी अस्पताल तथा आइसोलेसन सेन्टर स्थापना गरी शुक्रबारदेखि सञ्चालनमा ल्याएको हो । महानगरले सञ्चालनमा ल्याएको कोभिड अस्थायी अस्पताल तथा आइसोलेसन सेन्टरमा सामान्य लक्षण भएका र लक्षण नदेखिएका संक्रमितलाई भर्ना गरि उपचार गरिने महानगरले जानकारी दिएको छ ।

प्रकाशित मिति: शुक्रबार, वैशाख २४, २०७८ १५:१४

प्रतिक्रिया दिनुहोस्