मधुबन नगरपालिकामा कोरोना पोजिटिभलाई निशुल्क एम्बुलेन्स सेवा, कुनैपनी समस्या भए आफुलाई संपर्क गर्न नगरप्रमुखको आग्रह

पालिका

Home
पालिका
मधुबन नगरपालिकामा कोरोना पोजिटिभलाई निशुल्क एम्बुलेन्स सेवा, कुनैपनी समस्या भए आफुलाई संपर्क गर्न नगरप्रमुखको आग्रह

मधुबन नगरपालिकामा कोरोना पोजिटिभलाई निशुल्क एम्बुलेन्स सेवा, कुनैपनी समस्या भए आफुलाई संपर्क गर्न नगरप्रमुखको आग्रह

हरि गुरुङ्ग, बर्दिया । मधुबन नगरपालिकाले कोरोना पोजिटिभ भएकाहरुलाई थप उपचारका लागि निशुल्क एम्बुलेन्स सेवा उपलब्ध गराउने भएको छ । मधुबन नगरपालिकाका नगरप्रमुख गणेशबहादुर के.सि(कृष्ण)ले कोरोना संक्रमित आफ्ना नगरवासिहरुलाई थप उपचारकालागी आवश्यक परेको खण्डमा एम्वुलेन्स सेवा निसुल्क उपलब्ध गराउने जानकारी दिनुभयो ।

नगरप्रमुख के.सि.ले बिश्वभरी फैलिरहेको कोरोना भाइरस कोभिड-१९ को दोस्रो लहरले जोखिम बढी रहेको अवस्थामा बिगतका दिनहरुमा जस्तै बिपत्तिसङ्ग सामना गर्न नगरबासीहरुको साथ,सहयोग र सहकार्यको आवश्यकता रहेको बताउनुभयो । साथै कोरोनाको दोस्रो लहरबाट संक्रमित भएकाहरुलाई १५ शैया अक्सिजन सहित कोभिड अस्पताल संचालनमा ल्याएको जानकारी गराउदै उपचाररत तथा होम आइसोलेसनमा बस्नुहुने सबै नगरबासीको सिघ्र स्वास्थ लाभको कामना गर्नुभयो ।

त्यसै गरि यस महामारीको अप्ठ्यारो घडीमा पनि दृढता सहित सम्पुर्ण नगरबासीहरुले पुर्णरुपमा सहयोग र साथ दिनेछन भन्ने आफुले बिश्वास लिएको बताउनु भयो । उहाँले होम आइसोलेसनमा बस्दा कुनै स्वास्थ्य समस्या भएमा तुरुन्त संपर्क गर्न अनुरोध गर्नुभयो ।

उहाँले समस्या परेमा संपर्क गर्न दिएको संपर्क नंबर यस् प्रकार छन - मधुबन नगरपालिका नगरप्रमुख गणेशबहादुर के.सि.९८५८०७३१११/९८४८०९२५५५, उप-प्रमुख सुवरानी थारु ९८५८०७६१११, प्रमुख प्रसाशकिय अधिकृत ९८५८०७०१११, स्वास्थ्य संयोजक मणि आचार्य ९८५८०२५९९८, सानोश्री कोभिड अस्पताल डा. निशान्त मिश्रा ९८४८०३३९३२ ।

प्रकाशित मिति: बिहीबार, वैशाख २३, २०७८ १५:१२

प्रतिक्रिया दिनुहोस्