मन्त्री जुली महतो र पूर्वमन्त्री रघुवीर महासेठको स्वास्थ्य अवस्था सुध्रियो

देश

Home
देश
मन्त्री जुली महतो र पूर्वमन्त्री रघुवीर महासेठको स्वास्थ्य अवस्था सुध्रियो

मन्त्री जुली महतो र पूर्वमन्त्री रघुवीर महासेठको स्वास्थ्य अवस्था सुध्रियो

अनिका शाह । महिला, बालबालिका तथा जेष्ठ नागरिक मन्त्री जुली महतो र पूर्वमन्त्री रघुवीर महासेठको स्वास्थ्य अवस्था सुध्रिएको छ । मन्त्री महतो र पूर्वमन्त्री महासेठलाई दस दिन अघि कोरोनाभाइरसको संक्रमण पुष्टि भएपछी घरमै आइसोलेसनमा बस्नु भएको थियो । मन्त्रीद्वयका आफन्त तथा डाक्टर महेश महासेठका अनुसार हाल उहाँहरुको स्वास्थ्य अवस्था स्वस्थ र सामान्य भैसकेको छ ।

मन्त्री महतोले सामाजिक सञ्जाल ट्वीटरमार्फत् आफूलाई कोरोना संक्रमण भएको र घरमै आइसोलेसनमा बसेको जानकारी दिनुभएको थियो ।

उहाँले आफू चिकित्सकको निगरानीमा रहेको र आत्मविश्वास र मनोबल उच्च भएको उल्लेख गर्नुभएको छ । उहाँले सबैलाई सजग रहन र यस्तो घडिमा सबैजना उच्च मनोबलका साथ बस्न आग्रह गर्नुभएको छ । उहाँले सामाजिक संजाल तथा विभिन्न अन्य माध्यमबाट चासो राख्ने, मायाँ गर्ने तथा स्वास्थ्य लाभको कामना गर्ने आफ्ना सुभचिन्तकहरुलाई धन्यबाद दिँदै कोरोनाबाट संक्रमित सबै नेपाली दाजुभाई तथा दिदिबहिनीहरुलाई स्वास्थ्य लाभको कामना गर्नुभएको छ ।

प्रकाशित मिति: बिहीबार, वैशाख २३, २०७८ १३:५१

प्रतिक्रिया दिनुहोस्