नौबस्ता कारागारका कैदीबन्दीद्वारा भोटेकोशी बाढीपीडितलाई ४९ हजार सहयोग

सुरक्षा/अपराध

Home
सुरक्षा/अपराध
नौबस्ता कारागारका कैदीबन्दीद्वारा भोटेकोशी बाढीपीडितलाई ४९ हजार सहयोग

नौबस्ता कारागारका कैदीबन्दीद्वारा भोटेकोशी बाढीपीडितलाई ४९ हजार सहयोग

नेपालगञ्ज । कारागार कार्यालय नौबस्ता, बाँकेमा रहेका कैदीबन्दीहरूले भोटेकोशी बाढीबाट प्रभावित नागरिकका लागि आर्थिक सहयोग गरेका छन् ।

विनाशकारी बाढीका कारण मानवीय तथा भौतिक क्षति भएको घटनाप्रति दुःख व्यक्त गर्दै कैदीबन्दीहरुले मृतकप्रति श्रद्धाञ्जली तथा शोकसन्तप्त परिवारजनप्रति समवेदना प्रकट गरेका छन् ।

कारागारको “बी” ब्लकमा रहेका ४६६ जना कैदीबन्दीहरूको सहमतिमा स्वेच्छिक रूपमा रकम संकलन गरी बाढीपीडितका लागि राहतस्वरूप ४९ हजार ५ सय १० रुपैयाँ प्रधानमन्त्री दैवी प्रकोप उद्धार कोषमार्फत सहयोग गरिएको हो ।

कैदीबन्दीहरूले आफ्नो क्षमता अनुसार रकम जुटाएर विपद्मा परेका परिवारलाई सहयोग गर्ने प्रयास गरेको कारागार कार्यालयले जनाएको छ ।

प्रकाशित मिति: आइतबार, भदौ १४, २०८३ २०:१४

प्रतिक्रिया दिनुहोस्