बलात्कारपछि हत्या गर्ने दुई आरोपीलाई आजिवन कैद, तत्काल दुई लाख उपलब्ध गराइने

अपराध

Home
अपराध
बलात्कारपछि हत्या गर्ने दुई आरोपीलाई आजिवन कैद, तत्काल दुई लाख उपलब्ध गराइने

बलात्कारपछि हत्या गर्ने दुई आरोपीलाई आजिवन कैद, तत्काल दुई लाख उपलब्ध गराइने

उदयपुर । उदयपुर जिल्ला अदालतले दुई जना प्रतिवादीलाई आजिवन (जीवित रहेसम्म) कैद सजायको फैसला गरेको छ । त्रियुगा नगरपालिका वडा नं. ६ मोहनपुर कि १६ बर्षीया कृसला चौधरीको जबरजस्ती करणी गरि हत्या गरेको आरोपमा पक्राउ परेका सप्तरी जिल्ला सुरुङ्गा नगरपालिका वडा नं. १ बस्ने २७ बर्षीय उचित लाल सदा र सोही ठाउँ बस्ने बर्ष २३ का विषे भन्ने विषय सदालाई जीवित रहेसम्म कैद सजायको फैसला सुनाएको हो ।

उदयपुर जिल्ला अदालतका सुचना अधिकारी बुद्धराज निरौलाका अनुसार उनीहरुलाई जीवित रहेसम्म (जन्मकैद) कैद सजायको फैसला सँगै जनही तीन लाख पीडित परिवारलाई प्रतिवादीको सम्पतिबाट भराउने र तत्काल पीडित राहत कोषबाट दुई लाख पीडितको नजिकको हकदारलाई उपलब्ध गराउने फैसला भएको छ ।

२०७८ साल साउन १३ गते घरबाट बेपत्ता भएकी मृतक कृसलाको २०७८ साल साउन १९ उदयपुर जिल्ला त्रियुगा नगरपालिका वडा नं. १ स्थित राजदेवी सामुदायिक वनको रातमाटे खहरे खोलामा शव भेटिएको थियो ।

प्रकाशित मिति: बुधबार, पुस ४, २०८० १९:०५

प्रतिक्रिया दिनुहोस्