आफ्नै श्रीमतीकाे हत्या गरेको आरोपमा श्रीमान् र ससुरा पक्राउ

अपराध

Home
अपराध
आफ्नै श्रीमतीकाे हत्या गरेको आरोपमा श्रीमान् र ससुरा पक्राउ

आफ्नै श्रीमतीकाे हत्या गरेको आरोपमा श्रीमान् र ससुरा पक्राउ

नेपालकागज शुक्रबार, असार १०, २०७९

धनुषा । धनुषाको सहिद नगरपालिकामा श्रीमतीकाे हत्या गरेको आरोपमा श्रीमान् र ससुरालाई प्रहरीले पक्राउ गरेको छ ।

हत्या गरे पश्चात् फरार भएका उनीहरू बिहीबार धनुषा जिल्लाको जनकनन्दनी गाउँपालिका १ स्थित इनर्वाबाट पक्राउ परेका हुन् ।

पक्राउ पर्नेमा सहिदनगर नगरपालिका ८ नाथपट्टीका छोरा रामचन्द्र मण्डल र बुवा सहदेव मण्डल रहेका छन ।

सहिदनगर नगरपालिका ८ स्थित घरमा सुतिरहेको अवस्थामा गत कार्तिक ३० गते ३५ वर्षीया गौरी देवी मण्डलको हत्या भएको थियो ।

आफ्नै घरमा सुतिरहेको अवस्थामा कुटपिट गरी घाँटी थिची हत्या गरेको भन्दै जिल्ला सिरहा गोलबजार नगरपालिका ५ की मृतककी आमा तेतरी देवी मण्डलले ईलाका प्रहरी कार्यालय यदुकोहामा जाहेरी दिनुभएको थियो ।

घटनापछि फरार भएका उनीहरू भारतको लदनिया थाना (पञ्चायत) तेनुवाही गाउँमा लुकिछिपी बसिरहेका थिए ।

बिहीबार सहदेव मण्डल खत्वे र रामचन्द्र मण्डल खत्वे भारतबाट नेपालमा आइरहेको गोप्य सूचनाको आधारमा इलाका प्रहरी कार्यलय यदुकुहा र जिल्ला प्रहरी कार्यलयको संयुक्त टोलीले पक्राउ गरेको धनुषा प्रहरी प्रवक्ता प्रदिप बहादुर क्षेत्रीले बताउनुभयो ।

पक्राउ परेका दुबै जनालाई धनुषा जिल्ला अदालतबाट कर्तव्य ज्यान मुद्दा शीर्षकमा ५ दिनको म्याद थप गराई अनुसन्धान कार्य भईरहेको जिल्ला प्रहरी कार्यलय धनुषाले जानकारी दिएको छ ।

प्रकाशित मिति: शुक्रबार, असार १०, २०७९ ११:४५

प्रतिक्रिया दिनुहोस्