टाउकोमा गोली बोकेका द्वन्दपीडित किरण योगीलाई कांग्रेस नेता विनय रावलको सहयोग

समाज

Home
समाज
टाउकोमा गोली बोकेका द्वन्दपीडित किरण योगीलाई कांग्रेस नेता विनय रावलको सहयोग

टाउकोमा गोली बोकेका द्वन्दपीडित किरण योगीलाई कांग्रेस नेता विनय रावलको सहयोग

काठमाडौँ । तत्कालिन सशस्त्र द्वन्दका बखत बिद्रोही पक्षले टाउकोमा गोली हान्दा अपांग हुनुभएका पुर्व शिक्षक कृष्ण राज योगी (किरण)लाई नेपाली कांग्रेसका युवा नेता एवं समाजसेवी विनय रावलले आर्थिक सहयोग गर्नुभएको छ ।

नेपाली कांग्रेसका महाधिवेशन प्रतिनिधि समेत रहनुभएका विनय रावलले बर्दिया जिल्ला मधुवन नगरपालिका वडा नम्बर -३ निवासी योगीको उपचार हेतु १२ हजार आर्थिक सहयोग गर्नुभएको हो ।

२०६० भदौ ४ गते नेरा मावी साविक ढोढरी वडा नम्बर -९ हाल मधुवन नगरपालिका वडा नम्बर -३ मा पढाइरहेका बेला विद्यालयबाट बाहिर लगेर तत्कालीन विद्रोही पक्षले टाउकोमा पेस्तोलले गोली प्रहार गरेका थिए ।

योगी अहिले पनि टाउकामा गोली लिएर बाँचिरहनुभएको छ । उहाँको शरीरको देब्रे भाग चल्दैन । उहाँ नियमित उपचार गराउन काठमाडौँ आएको बेला युवा नेता रावलले सहयोग गर्नुभएको हो ।

त्यस्तै नेपाली कांग्रेसका युवा नेता रावलले पाठेघरकाे समस्याबाट पीडित महिलालाई पनि आर्थिक सहयोग गर्नुभएको छ ।

उहाँले बर्दियाको ठाकुरबाबा नगरपालिका वडा नम्बर -२ पेरेनी निवासी २७ वर्षीया हिरा कुमारी थारूलाई उपचारार्थ १० हजार सहयोग गर्नुभएको हो ।

उक्त सहयोग रकम हिरा कुमारी थारूका ससुरा बुद्वि थारूलाई हस्तान्तरण गरिएको समाजसेवी रावलको सचिवालयले जानकारी दिएको छ ।

प्रकाशित मिति: बिहीबार, जेठ १२, २०७९ १७:४४

प्रतिक्रिया दिनुहोस्