आगामी निर्वाचनलाई मध्यनजर गर्दै इजाजत प्राप्त हतियार बुझाउन प्रशासनको आग्रह

प्रदेश

Home
प्रदेश
आगामी निर्वाचनलाई मध्यनजर गर्दै इजाजत प्राप्त हतियार बुझाउन प्रशासनको आग्रह

आगामी निर्वाचनलाई मध्यनजर गर्दै इजाजत प्राप्त हतियार बुझाउन प्रशासनको आग्रह

चितवन । जिल्ला प्रशासन कार्यालय चितवनले इजाजत प्राप्त हतियार स्थानीय प्रशासनलाई बुझाउन अनुरोध गरेको छ ।

प्रमुख जिल्ला अधिकारी अश्मान तामाङले एक सूचना जारी गर्दै स्थानीय तहको निर्वाचनलाई भरपर्दो एवं विश्वसनीय बनाउन जिल्लाभित्र रहेका इजाजत प्राप्त हातहतियार बुझाउन अनुरोध गर्नुभएको हो ।

यही चैत मसान्तसम्म नजिकको प्रहरी इकाइमा हातहतियार बुझाउन अनुरोध गरिएको हो । चैत १५ गते बसेको जिल्ला सुरक्षा समतिको बैठकको निर्णय अनुसार स्थानीय तहको निर्वाचनपछि फिर्ता हुने गरी हतियार बुझाउन अनुरोध गरेको उहाँले जानकारी दिनुभयो ।

अनुमति प्राप्त गरी राखिएका हतियारबाट निर्वाचनको समयमा शान्ति सुरक्षामा खलल पुग्न सक्ने भन्दै प्रशासनले हतियार बुझाउन आग्रह गरेको हो ।

प्रकाशित मिति: शुक्रबार, चैत १८, २०७८ ११:५८

प्रतिक्रिया दिनुहोस्