लेटाङ घटना : एसएसपी चौधरी नेतृत्वको सिआइबी सहितको ६ सदस्यीय टोलीले छानबिन सुरु गर्‍यो

अपराध

Home
अपराध
लेटाङ घटना : एसएसपी चौधरी नेतृत्वको सिआइबी सहितको ६ सदस्यीय टोलीले छानबिन सुरु गर्‍यो

लेटाङ घटना : एसएसपी चौधरी नेतृत्वको सिआइबी सहितको ६ सदस्यीय टोलीले छानबिन सुरु गर्‍यो

मोरङ । महिला प्रहरी उर्मिला श्रेष्ठको ज्यान जाने गरी मोरङको लेटाङमा भएको घटनाको छानबिन गर्न ६ सदस्यीय छानबिन समिति गठन भएको छ ।

प्रदेश प्रहरी कार्यालयका प्रवक्ता एसपी नवीनराज राईले दिएको जानकारी अनुसार १ नम्बर प्रदेश प्रहरी कार्यालयका एसएसपी राजेन्द्रकुमार चौधरीको नेतृत्वमा ६ सदस्यीय छानबिन समिति गठन गरिएको छ ।

समितिमा प्रहरीको केन्द्रीय अनुसन्धान ब्यूरो (सिआइबी), १ नम्बर प्रदेश प्रहरी र जिल्ला प्रहरी मोरङको संयुक्त टोली रहेको छ ।

घटनाको सबै पक्षको अनुसन्धान गर्ने र दोषी पत्ता लगाउने गरी समितिलाई कार्यादेश दिइएको प्रदेश प्रहरी कार्यालय विराटनगरले जानकारी दिएको छ । एसएसपी चौधरी प्रदेश–१ प्रहरी कार्यालय, अपराध नियन्त्रण तथा अनुसन्धान महाशाखा प्रमुखका रूपमा कार्यरत हुनुहुन्छ ।

चैत ६ गते राति लेटाङमा हिंसात्मक झडप हुँदा प्रहरी जवान श्रेष्ठको मृत्यु भएको थियो । महिला प्रहरी उर्मिला श्रेष्ठलाई आक्रमणकारीले घाँटीमा छुरा प्रहार गर्दा गम्भीर घाइते उहाँको उपचारका लागि लैजाँदै गर्दा बाटैमा मृत्यु भएको थियो ।

घटनामा २९ प्रहरी र ७ जना सर्वसाधारण घाइते भएका थिए । समितिले छानबिनको काम थलिसकेको र यथाशीघ्र छानबिन गरी प्रतिवदेन बुझाउने प्रवक्ता राईले जानकारी दिनुभयो ।

प्रकाशित मिति: बुधबार, चैत ९, २०७८ १७:४१

प्रतिक्रिया दिनुहोस्