डीएसपीले कुटपिट गरेको घटना छानबिन गर्न समिति गठन, दोषी देखिएमा कारवाही गरिने

प्रदेश

Home
प्रदेश
डीएसपीले कुटपिट गरेको घटना छानबिन गर्न समिति गठन, दोषी देखिएमा कारवाही गरिने

डीएसपीले कुटपिट गरेको घटना छानबिन गर्न समिति गठन, दोषी देखिएमा कारवाही गरिने

जनकपुर । वीरगञ्ज महानगरपालिकाको घण्टाघर स्थित चोकमा एक सर्जिकल पसलका कर्मचारीमाथि डीएसपीले कुटपिट गरेको घटनाको छानविनका लागि २ नम्बर प्रदेश प्रहरी कार्यालयका प्रहरी उपरीक्षक कृष्ण प्रसाँईको संयोजकत्वमा तीन सदस्यीय समिति गठन गरिएको छ ।

समितिले महानगरपालिकाको वडा नं. ८ स्थित घण्टाघर चोकमा जिल्ला प्रहरी कार्यालय पर्साका डीएसपी प्रह्लाद कार्कीले बुधबार प्याथो सर्जिकल हाउसमा पसेर कार्यरत कर्मचारीलाई बुट र लाैरोले हिर्काएको बिषयमा छानविन र आवश्यक कारवाही गर्ने बताइएको छ ।

२ नम्बर प्रदेश प्रहरी कार्यालयद्वारा जारी विज्ञप्तिमा समितिले अनुसन्धान कार्य शुरू गरी सकेको र अनुसन्धानका क्रममा कोही प्रहरी दोषी देखिएमा प्रहरी नियमावली बमोजिम कारवाही गरिने जनाइएको छ ।

जिल्ला प्रहरी कार्यालय पर्साका डीएसपी प्रह्लाद कार्कीले बुधबार वीरगन्ज -८ आर्मी व्यारेक पछाडि रहेको प्याथो सर्जिकल हाउसमा पसेर कार्यरत कर्मचारीलाई बुट र लाैरोले हिर्काएको सीसीटीभी फुुटेज बाहिरिएको थियो । सीसीटीभी फुुटेज बाहिरिए पछि आमानविय तरिकाले कुटपिट गरेको भन्दै प्रहरीको सर्वत्र आलोचना भइरहेको छ ।

प्रकाशित मिति: बिहीबार, जेठ १३, २०७८ १५:३३

प्रतिक्रिया दिनुहोस्