३० ग्राम लागूऔषध 'खैरो हेरोइन' सहीत नेपालगन्जबाट ३ जना पक्राउ

अपराध

Home
अपराध
३० ग्राम लागूऔषध 'खैरो हेरोइन' सहीत नेपालगन्जबाट ३ जना पक्राउ

३० ग्राम लागूऔषध 'खैरो हेरोइन' सहीत नेपालगन्जबाट ३ जना पक्राउ

बाँके (नेपालगन्ज) । ३० ग्राम लागूऔषध 'खैरो हेरोइन' सहीत नेपालगन्जबाट ३ जना पक्राउ परेका छन । बिहीबार, माघ २०, २०७८ गते करिब ३ बजे दिउँस नेपालगन्ज उपमहानगरपालिका वडा नं- ०७ गगनगंजबाट ३० ग्राम लागूऔषध 'खैरो हेरोइन' (ब्राउन सुगर)सहित ३ जनालाई बाँके प्रहरीले पक्राउ गरेको छ ।

पक्राउ पर्नेमा बाँकेको नेपालगन्ज उपमहानगरपालिका वडा नं- ०७ गगनगंज बस्ने २८ वर्षिय आदित्य श्रेष्ठ, नेपालगन्ज उपमहानगरपालिका वडा नं- ०७ गगनगंज बस्ने २६ वर्षिय अंकित श्रेष्ठ र सुर्खेत जिल्ला वीरेन्द्रनगर नगरपालिका वडा नं- ६ बस्ने ३८ वर्षिय गणेश भण्डारी रहेका छन ।

गोप्य सूचनाको आधारमा वडा प्रहरी कार्यालय नेपालगन्ज र लागू औषध नियन्त्रण ब्युरो नेपालगन्जबाट खटिएको प्रहरी टोलीले २८ वर्षिय आदित्य श्रेष्ठको घर कोठा खानतलासी गर्दा उनको साथबाट ३० ग्राम लागूऔषध 'खैरो हेरोइन' (ब्राउन सुगर), तौल गर्ने तराजु, नगद १० हजार फेला पारेको जिल्ला प्रहरी कार्यालय बाँकेले जानकारी दिएको छ । त्यस्तै सोही कोठामा आदित्यसंगै रहेका अंकित श्रेष्ठ र गणेश भण्डारीको साथबाट १ लाख ३४ हजार रुपैँया फेला परेको प्रहरीले बताएको छ ।

आदित्य श्रेष्ठको घरमा लागूऔषध 'खैरो हेरोइन' (ब्राउन सुगर) ल्याई बेचबिखन भईरहेको भन्ने गोप्य सूचनाको आधारमा घर-कोठा खानतलासी गर्दा उक्त परिमाणको लागू औषध ब्राउन सुगर फेला परेको प्रहरीले जनाएको छ । उनिहरुलाई अहिले आवश्यक अनुसन्धानका लागि जिल्ला प्रहरी कार्यालय बाँकेमा राखिएको छ ।

पछिल्लो समय लागूऔषधको बढ्दो प्रयोग र ओसारपसारलाई नियन्त्रण गर्न बाँके प्रहरीले सकृयता देखाएको छ ।

प्रकाशित मिति: शुक्रबार, माघ २१, २०७८ ०९:४१

प्रतिक्रिया दिनुहोस्