जन्मदिन पार्टीमा खुकुरी हानाहान, एकको मृत्यु

अपराध

Home
अपराध
जन्मदिन पार्टीमा खुकुरी हानाहान, एकको मृत्यु

जन्मदिन पार्टीमा खुकुरी हानाहान, एकको मृत्यु

मोरङ : मोरङमा दुई पक्षबीच झगडा हुँदा एक जनाको मृत्यु भएको छ । आइतबार राति बूढीगंगा गाउँपालिका ६ कोयलपुरमा जन्मदिनमा आयोजना गरिएको पार्टीमा दुई पक्षबीच झगडा भएको थियो ।

दुई पक्षबीच झगडा हुँदा धनकुटाको पाख्रीबास घर भएका २६ वर्षीय रिजन दाहालको मृत्यु भएको प्रहरीले जनाएको छ । उक्त घटनामा धनकुटा देव्रेबासका २२ वर्षीय कमल थापा र घरधनी नानु लिम्बू घाइते भएका छन्। बूढीगंगा–६ का २३ वर्षीय धनबहादुर तामाङ, २४ वर्षीय लिखमान लिम्बू, सुनसरीको इटहरी–११ का २२ वर्षीय राजु तामाङ लगायतको समूहले दाहाल र थापामाथि खुकुरी प्रहार गरेका थिए ।

खुकुरी प्रहारबाट गम्भिर घाइते भएका दाहालको उपचारका लागि लैजाँदै गर्दा बाटोमै मृत्यु भएको प्रहरीले जनाएको छ । २६ वर्षीय दाहाल इटहरी उपमहानगरपालिका–१३ खनारमा डेरामा बस्दै आएका थिए । यस घटनालाई लिएर प्रहरीले थप अनुसन्धान गरिरहेको छ ।

प्रकाशित मिति: सोमबार, कात्तिक २९, २०७८ १४:४१

प्रतिक्रिया दिनुहोस्