धुलिखेलबाट १० वर्ष सजाय पाएका बलात्कारका फरार कसुरदार आठ वर्षपछि पक्राउ

अपराध

Home
अपराध
धुलिखेलबाट १० वर्ष सजाय पाएका बलात्कारका फरार कसुरदार आठ वर्षपछि पक्राउ

धुलिखेलबाट १० वर्ष सजाय पाएका बलात्कारका फरार कसुरदार आठ वर्षपछि पक्राउ

धुलिखेल । जिल्ला प्रहरी कार्यालय, काभ्रेले बलात्कारका फरार कसुरदारलाई आठ वर्षपछि धुलिखेलबाट पक्राउ गरेको छ । जबर्जस्ती करणी मुद्दामा १० वर्ष सजाय पाएका बेथानचोक गाउँपालिका–४ का ४५ वर्षीय रामहरि राउतलाई प्रहरीले पक्राउ गरेको हो ।

राउतलाई ललितपुर जिल्ला अदालतले २०७० भदौ २६ गते १० वर्ष कैद फैसला सुनाएको थियो । कैद फैसलापश्चात फरार रहेका राउतलाई धुलिखेल नगरपालिका–७ बाट पक्राउ गरिएको प्रहरी नायब उपरीक्षक हरि खतिवडाले जानकारी दिनुभयो ।

उहाँका अनुसार पक्राउ परेका महतलाई कानुनबमोजिम कैद तथा जरिवाना फर्छौटका लागि जिल्ला अदालत धुलिखेलमा पेश गरिएको छ ।

फैसला कार्यान्वयनको सिलसिलामा अदालतबाट प्राप्त लागतमा फरार रहेका प्रतिवादी खोजतलासका क्रममा महत पक्राउ परेको प्रहरीले जनाएको छ । जिल्ला प्रहरी कार्यालयले प्रहरी अधिकृतको नेतृत्वमा फरार प्रतिवादी खोजतलास अभियान सञ्चालन गरिरहेको छ ।

प्रकाशित मिति: शुक्रबार, कात्तिक ५, २०७८ ०९:४०

प्रतिक्रिया दिनुहोस्