नेपालगञ्जबाट मुगु जाँदै गरेको बस दुर्घटना : घाइतेलाई समिट एअरमार्फत नेपालगञ्ज ल्याइयो

अपराध

Home
अपराध
नेपालगञ्जबाट मुगु जाँदै गरेको बस दुर्घटना : घाइतेलाई समिट एअरमार्फत नेपालगञ्ज ल्याइयो

नेपालगञ्जबाट मुगु जाँदै गरेको बस दुर्घटना : घाइतेलाई समिट एअरमार्फत नेपालगञ्ज ल्याइयो

बाँके । नेपालगञ्जबाट मुगु सदरमुकामतर्फ जाँदै गरेको यात्रुबाहक बस छायाँनाथ रारा नगरपालिका ७ पिनाटपने खोलामा दुर्घटनामा परेको छ ।

भे १ ख ३१६७ नम्बरको बस आज दिउँसो एक बजेतिर दुर्घटना भएको प्रदेश प्रहरी कार्यालय सुर्खेतले जनाएको छ । बसमा ३९ यात्रु सवार थिए ।
प्रदेश प्रहरी प्रमुख डिआईजी गणेश बहादुर ऐरले सो घटनामा २० जनाको मृत्यु भएको प्रारम्भिक विवरण आएको बताउनुभयो । मृतकको संख्या बढी हुन सक्ने उहाँले बताउनुभयो ।

घाइते १२ जनालाई उपचारका लागि समिट एअरको विमानमार्फत नेपालगञ्ज लगिएको छ भने बाँकी घाइतेको उद्धारका लागि सुर्खेतबाट नेपाली सेनाको हेलिकोप्टर मुगुको ताल्चा विमानस्थलतर्फ पठाइएको प्रदेश प्रहरी कार्यालयका सूचना अधिकारी प्रहरी निरीक्षक जीवन लामिछानेले जानकारी दिनुभयो ।

सामान्य घाइतेको मुगु जिल्ला अस्पतालमा उपचार भइरहेको छ ।

घाइतेको उद्धारका लागि प्रमुख जिल्ला अधिकारी रोमबहादुर महतका साथै सबै सुरक्षा निकायका प्रमुखहरु खटिरहेको जनाइएको छ ।

प्रकाशित मिति: मंगलबार, असोज २६, २०७८ १६:३२

प्रतिक्रिया दिनुहोस्